《此禮拜11/3金句》馬可福音 12：33

作者:gikong 日期:2024-11-02 20:39

koh kóng tio̍h ēng choân-sim, choân-tì, choân-le̍k thiàⁿ Siōng-tè, koh thiàⁿ chhù-piⁿ chhin-chhiūⁿ thiàⁿ ka-kī sī pí hiàn lóng-chóng ê sio-hòa-chè kap chè-mi̍h koh-khah iàu-kín.

閣講著用全心、全智、全力疼上帝，閣疼厝邊親像疼家己是比獻攏總的燒化祭及祭物閣較要緊。

類別: 本週金句 | 引用: 0 | 評論: 0 | 閱讀: 60

《此禮拜10/27金句》馬可福音 10：50

作者:gikong 日期:2024-10-26 19:32

Bông-jîn chiū chiong gōa-saⁿ hiat-tiāu, thiàu--khí-lâi, lâi kàu Iâ-so͘ hia.

盲人就將外衫㧒掉，跳起來，來到耶穌遐。

類別: 本週金句 | 引用: 0 | 評論: 0 | 閱讀: 72

《此禮拜10/20金句》馬可福音 10：43-44

作者:gikong 日期:2024-10-19 20:53

Put-kò lín tiong-kan chiū m̄ eng-kai án-ni. Lín tiong-kan ài chòe tōa--ê tio̍h chòe lín ê chhe-ēng; ài chòe tē-it--ê tio̍h chòe chèng-lâng ê po̍k-jîn.

不過恁中間就毋應該按呢。恁中間愛做大的著做恁的差用；愛做第一的著做眾人的僕人。

類別: 本週金句 | 引用: 0 | 評論: 0 | 閱讀: 66

《此禮拜10/13金句》馬可福音 10：21

作者:gikong 日期:2024-10-12 17:47

Iâ-so͘ chù-ba̍k khòaⁿ i, thiàⁿ i, kā i kóng, "Lí iáu khiàm chi̍t hāng; lí khì, khì bōe só͘-ū--ê lâi pun hō͘ sàn-chhiah-lâng, lí tī thiⁿ-téng chiū ū châi-pó, jiân-āu lâi tè góa."

耶穌注目看伊，疼伊，給伊講：「你猶欠一項；你去，去賣所有的來分互散赤人，你佇天頂就有財寶，然後來隨我。」

類別: 本週金句 | 引用: 0 | 評論: 0 | 閱讀: 103

《此禮拜10/6金句》馬可福音 10：11-12

作者:gikong 日期:2024-10-05 22:32

Iâ-so͘ kā in kóng, "Bô-lūn sím-mi̍h-lâng, lî i ê bó͘ khì chhōa pa̍t-ê hū-jîn-lâng chiū-sī hoān kan-îm, ko͘-hū i ê bó͘; bó͘ nā lî i ê tiōng-hu khì kè pa̍t-lâng mā-sī hoān kan-îm.

耶穌給in講：「無論什麼人，離伊的某去娶別個婦仁人就是犯姦淫，辜負伊的某；某若離伊的丈夫去嫁別人嘛是犯姦淫。」

類別: 本週金句 | 引用: 0 | 評論: 0 | 閱讀: 81

《此禮拜9/29金句》馬可福音 9：39-40

作者:gikong 日期:2024-09-28 13:15

Iâ-so͘ kóng, "M̄-thang kā i chó͘-tòng, in-ūi bô lâng ōe hōng góa ê miâ kiâⁿ sîn-jiah, sûi-sî koh kóng góa ê pháiⁿ-ōe. Bô hoán-tùi lán--ê chiū-sī ūi lán.

耶穌講：「毋通給伊阻擋，因為無人會奉我的名行神跡，隨時閣講我的歹話。無反對咱的就是為咱。

類別: 本週金句 | 引用: 0 | 評論: 0 | 閱讀: 78

《此禮拜9/22金句》馬可福音 9：35

作者:gikong 日期:2024-09-21 22:03

Iâ-so͘ chē--lo̍ h-khì, kiò cha̍ p-jī sù-tô͘ lâi, tùi in kóng, "Nā ū lâng beh chòe tē-it, tio̍ h chòe chèng-lâng ê siōng lō͘-bé, chòe chèng-lâng ê chhe-ēng."

耶穌坐落去，叫十二使徒來，對in講：「若有人欲做第一，著做眾人的上路尾，做眾人的差用。」

類別: 信仰分享 | 引用: 0 | 評論: 0 | 閱讀: 79

《此禮拜9/15金句》約翰福音 6：51

作者:gikong 日期:2024-09-14 22:43

Góa chiū-sī tùi thiⁿ kàng--lo̍h-lâi hit-ê oa̍h-miā ê piáⁿ. Lâng nā chia̍h chit-ê piáⁿ ōe éng-oán oa̍h--teh. Góa beh hō͘ lâng ê piáⁿ chiū-sī góa ê bah, sī ūi-tio̍h beh hō͘ sè-kan-lâng ū oa̍h-miā hiàn--ê.

我就是對天降落來彼個活命的餅。人若食此個餅會永遠活啲。我欲互人的餅就是我的肉，是為著欲互世間人有活命獻的。

類別: 本週金句 | 引用: 0 | 評論: 0 | 閱讀: 74