瀏覽模式: 普通 | 列表

《此禮拜3/10金句》約翰福音 3：20-21

作者:gikong 日期:2024-03-09 22:55

Chòe pháiⁿ ê lâng lóng oàn-hūn kng, m̄ chiap-kūn kng, án-ni i ê hêng-ûi chiah bōe lō͘-hiān.M̄ -kú si̍t-hêng chin-lí ê lâng chiap-kūn kng, sī beh hián-bêng i ê hêng-ûi sī sūn-thàn Siōng-tè lâi chòe--ê

做歹的人攏怨恨光，毋接近光，按呢伊的行為才bōe露現。 毋拘實行真理的人接近光，是欲顯明伊的行為是順趁上帝 來做的。
類別: 本週金句 | 引用: 0 | 評論: 0 | 閱讀: 29

《此禮拜3/3金句》出埃及記 20：6

作者:gikong 日期:2024-03-02 15:52

thiàⁿ góa, chun-siú góa kài-bēng ê lâng, góa si-un hō͘ in, ti̍t-kàu chheng tāi.

疼我，遵守我誡命的人，我施恩互 in ，直到千代。
類別: 本週金句 | 引用: 0 | 評論: 0 | 閱讀: 46

《此禮拜2/25金句》馬可福音9：7

作者:gikong 日期:2024-02-24 16:22

Hit-sî, ū chi̍t phìⁿ hûn kā in tà--teh, koh ū siaⁿ tùi hûn chhut--lâi, kóng, "Chit-ê sī góa só͘ thiàⁿ ê Kiáⁿ, lín tio̍ h thiaⁿ-thàn I.

彼時，有一片雲給in罩啲，閣有聲對雲出來，講：「此個 是我所疼的子，恁著聽趁伊。」
類別: 本週金句 | 引用: 0 | 評論: 0 | 閱讀: 37

《此禮拜2/18金句》彼得前書3：18

作者:gikong 日期:2024-02-17 19:17

In-ūi Ki-tok mā bat ūi-tio̍ h chōe siū-khó͘, chi̍t piàn chiū oân-sêng; gī ê lâng thòe put-gī ê lâng siū-khó͘, sī ūi-tio̍ h beh chhōa lín kàu Siōng-tè ê bīn-chêng. Tī jio̍ k-thé, I siū chhú-sí; tī lêng, I ū koh-oa̍ h.

因為基督嘛曾為著罪受苦，一遍就完成；義的人替不義的 人受苦，是為著欲導恁到上帝的面前。佇肉體，伊受處死； 佇靈，伊有閣活。
類別: 本週金句 | 引用: 0 | 評論: 0 | 閱讀: 44

《此禮拜2/4金句》哥林多前書 9:23

作者:gikong 日期:2024-02-03 20:15

Góa chòe chiah-ê lóng sī ūi-tio̍ h hok-im, bo̍ k-te̍ k sī beh kap lâng hun-hióng hok-im.

我做諸個攏是為著福音，目的是欲及人分享福音。

類別: 本週金句 | 引用: 0 | 評論: 0 | 閱讀: 52

《此禮拜1/28金句》哥林多前書 12:26

作者:gikong 日期:2024-01-27 22:00

Chi̍t ê chi-thé siū-khó͘, kî-tha ê chi-thé chiū chòe-hé siū-khó͘; chi̍t ê chi-thé tit-tio̍ h êng-kng, kî-tha ê chi-thé chiū chòe-hé hoaⁿ-hí.

一個肢體受苦，其他的肢體就做夥受苦；一個肢體得著榮 光，其他的肢體就做夥歡喜。

類別: 本週金句 | 引用: 0 | 評論: 0 | 閱讀: 48

《此禮拜1/21金句》馬可福音 1：17-18

作者:gikong 日期:2024-01-20 21:09

Iâ-so͘ tùi in kóng, "Lâi tè góa, góa beh hō͘ lín tit-tio̍ h lâng chhin-chhiūⁿ lia̍ h-hî--ê tit-tio̍ h hî." In sûi-sî kā bāng pàng--leh, khì tè Iâ-so͘.

耶穌對in講：「來隨我，我欲互恁得著人親像掠魚的得著魚。」

類別: 本週金句 | 引用: 0 | 評論: 0 | 閱讀: 51

《此禮拜1/14金句》撒母耳記上3：10

作者:gikong 日期:2024-01-13 20:15

Siōng Chú koh lâi khiā--teh, chhin-chhiūⁿ chêng kúi-nā piàn án-ni kiò, "Sat-bó-ní, Sat-bó-ní." Sat-bó-ní ìn kóng, "Chhiáⁿ kóng, lí ê lô͘-po̍ k teh thiaⁿ."

上主閣來徛啲，親像前幾若遍按呢叫：「撒母耳，撒母耳。」 撒母耳應講：「請講，你的奴僕啲聽。」

類別: 本週金句 | 引用: 0 | 評論: 0 | 閱讀: 83