訂閱
上一篇
返回
下一篇
盼望的人生／鄭英兒牧師
作者: gikong 日期: 2012-12-16 22:54
以賽亞40：26-31
2012.12.16
12月2日待降節第1主日，佇1日的服事沒閑的過程（早起前往成德教會主持聖禮典及小會會議，下晡趕轉來咱教會教育館參加「2013年教會事工研討會」到5點多結束），後來轉去厝休睏後，暗時9點騎機車轉來教會，落雨的暗暝，竟然佇完全沒感覺的情形發生「車禍」！我騎機車撞倒一位先生及他騎的腳踏車，感謝上帝保守，對方只有右手關節有小小受傷，自己機車雖然撞倒，好佳在沒親像去年3月4日仝款壓在自己左腳頂面，但是感覺左腳有受傷。佇「真自責」閣「非常抱歉」的情形向對方道歉，留名片互他，閣說明自己是義光教會牧師，我會負責一切的醫療費用及腳踏車修理費用。沒想到自己左腳受傷有「內出血」，到現今2禮拜猶原沒法度恢復。自己內心一直問一個問題──為什麼我沒看到腳踏車？為什麼佇沒反應、沒剎車的情形撞別人？這是騎機車30多年來第1次完全是「自己失錯」造成的車禍！雖然自己機車損壞修理，左腳受傷慢慢療養，但是待降節準備迎接耶穌基督誕生，上帝為什麼互我發生這個車禍，祂啲提醒我什麼「信仰課題」？
以賽亞40~66章大多數聖經學者歸納為「第2以賽亞」，以色列人佇北國以色列及南國猶大滅國以後，先知預言上帝權能欲拯救以色列民族，賞賜新天新地的盼望。
1. 全能上帝掌理宇宙萬物及人類：
賽40：18先知講：「恁究竟欲將是誰比並上帝，用什麼形像及上帝比並啊？」
賽40：25至聖者講：「恁欲用是誰比並我，互我及伊平啊？」
賽40：26至聖者講：「恁攑目看頂面，看是誰創造諸個(chiah-ê)，照數目導許個(hiah-ê)萬軍出來，祂一個一個稱的名；因為伊的權能，閣因為祂的大權能大氣力，連一個亦無欠。」
恩典！
主前721年北國以色列滅亡佇亞述帝國。
主前612年亞述帝國首都尼尼微受瑪代及巴比倫人毀滅。
主前587年南國猶大滅亡佇巴比倫帝國，耶路撒冷城受毀滅，部分猶大人受掠到巴比倫帝國。
主前539年波斯王古列打敗巴比倫帝國，並頒佈命令允准受掠的人民回歸轉去故鄉。
以色列民族的歷史及信仰有真密切的關係，對出埃及、進入迦南地、建立以色列國、分裂2國（北國以色列、南國猶大）、南北2國分別滅國，以色列佇滅國滅族的苦難過程，以賽亞先知預言上帝差派古列王成做拯救，互以色列人回歸故鄉，將來上帝欲帶領重建聖殿，並繼續引導經驗上帝的揀選及賜福！
耶穌基督降生清楚表明上帝對全人類的疼痛，每一個生命攏是祂創造、賞賜、關心、疼惜、保護！全世界每一個民族，每一個人攏是上帝的「寶貝」。12月9日暗時佇凱達格蘭大道參加「疼惜台灣國家，追求司法正義」人權紀念禮拜，雖然落雨，通過張德謙牧師講道、朱約信執事及搖滾主耶穌的詩歌，閣卡體會上帝的權能及奇妙的旨意。
2. 疼痛上帝賞賜信心、氣力及盼望：
賽40：27~31先知真確信應允講：「雅各啊，你啥事講，以色列啊，你啥事講，我的道路隱密佇耶和華，我的案件無得著上帝料理。你豈未知嗎？你豈未聽見嗎？永永佇啲的上帝耶和華，創造地極者，伊無厭，伊亦無倦；祂的智慧無通測度。厭倦者祂互伊能力；軟茈者，祂加添伊的氣力。少年人亦會厭會倦，勇壯的人亦會跋倒。獨獨倚靠耶和華欲得著新的氣力。欲親像鷹鳥展翼飛高；走亦無厭；行亦無倦。」這段聖經是咱真多兄姊真熟的經文，真多人亦佇這段經文，得到非常大的幫助鼓勵。這幾年我亦用這段聖經寫互陳水扁總統，勉勵他信靠上帝，人生一切會經驗上帝的恩典及疼痛。
以色列民族面對滅國滅族的苦痛，先知以賽亞提醒，倚靠上帝欲得著新的氣力，欲親像鷹鳥展翅飛高；走亦無厭，行亦無倦（31節）。
12月11日暗時9點半，星中教社部長鄭忠仁牧師載林榮道長老及我到凱道陪伴靜坐的「救扁義勇軍」，有真多勇敢的台灣阿公、阿嬤堅持「打破司法獨裁，釋放阿扁總統」。直到半暝2點，舞台設備拆除完成，警察就開始柔性驅離靜坐群眾，一個一個抬上車，群眾一面唱歌一面喊口號，直到3點半完成驅離。佇參與非暴力抗爭過程，佇牧師祈禱中間，雖然面對警察的驅離，閣卡體會上帝賞賜信心、氣力及盼望。公投護台灣聯盟及台北公義行動教會亦欲繼續信靠上帝勇敢向前成做上帝公義、平安的見證！
今日是總會所訂「退休牧師、傳道師奉獻主日」，請咱眾兄姊為每一位盡程退休的牧師、牧師娘（丈）關心、代禱！願上帝賜福兄姊退休的生活，閣卡經驗、見證上帝時刻同行「盼望的人生」！咱每一位兄姊亦佇待降節閣卡體會上帝賞賜「盼望的人生」，親像咱教會婦女團契歡喜奉獻時間製作牛軋糖義賣關心教會財務的見證仝款充滿盼望！
2012.12.16
12月2日待降節第1主日，佇1日的服事沒閑的過程（早起前往成德教會主持聖禮典及小會會議，下晡趕轉來咱教會教育館參加「2013年教會事工研討會」到5點多結束），後來轉去厝休睏後，暗時9點騎機車轉來教會，落雨的暗暝，竟然佇完全沒感覺的情形發生「車禍」！我騎機車撞倒一位先生及他騎的腳踏車，感謝上帝保守，對方只有右手關節有小小受傷，自己機車雖然撞倒，好佳在沒親像去年3月4日仝款壓在自己左腳頂面，但是感覺左腳有受傷。佇「真自責」閣「非常抱歉」的情形向對方道歉，留名片互他，閣說明自己是義光教會牧師，我會負責一切的醫療費用及腳踏車修理費用。沒想到自己左腳受傷有「內出血」，到現今2禮拜猶原沒法度恢復。自己內心一直問一個問題──為什麼我沒看到腳踏車？為什麼佇沒反應、沒剎車的情形撞別人？這是騎機車30多年來第1次完全是「自己失錯」造成的車禍！雖然自己機車損壞修理，左腳受傷慢慢療養，但是待降節準備迎接耶穌基督誕生，上帝為什麼互我發生這個車禍，祂啲提醒我什麼「信仰課題」？
以賽亞40~66章大多數聖經學者歸納為「第2以賽亞」，以色列人佇北國以色列及南國猶大滅國以後，先知預言上帝權能欲拯救以色列民族，賞賜新天新地的盼望。
1. 全能上帝掌理宇宙萬物及人類：
賽40：18先知講：「恁究竟欲將是誰比並上帝，用什麼形像及上帝比並啊？」
賽40：25至聖者講：「恁欲用是誰比並我，互我及伊平啊？」
賽40：26至聖者講：「恁攑目看頂面，看是誰創造諸個(chiah-ê)，照數目導許個(hiah-ê)萬軍出來，祂一個一個稱的名；因為伊的權能，閣因為祂的大權能大氣力，連一個亦無欠。」
恩典！
主前721年北國以色列滅亡佇亞述帝國。
主前612年亞述帝國首都尼尼微受瑪代及巴比倫人毀滅。
主前587年南國猶大滅亡佇巴比倫帝國，耶路撒冷城受毀滅，部分猶大人受掠到巴比倫帝國。
主前539年波斯王古列打敗巴比倫帝國，並頒佈命令允准受掠的人民回歸轉去故鄉。
以色列民族的歷史及信仰有真密切的關係，對出埃及、進入迦南地、建立以色列國、分裂2國（北國以色列、南國猶大）、南北2國分別滅國，以色列佇滅國滅族的苦難過程，以賽亞先知預言上帝差派古列王成做拯救，互以色列人回歸故鄉，將來上帝欲帶領重建聖殿，並繼續引導經驗上帝的揀選及賜福！
耶穌基督降生清楚表明上帝對全人類的疼痛，每一個生命攏是祂創造、賞賜、關心、疼惜、保護！全世界每一個民族，每一個人攏是上帝的「寶貝」。12月9日暗時佇凱達格蘭大道參加「疼惜台灣國家，追求司法正義」人權紀念禮拜，雖然落雨，通過張德謙牧師講道、朱約信執事及搖滾主耶穌的詩歌，閣卡體會上帝的權能及奇妙的旨意。
2. 疼痛上帝賞賜信心、氣力及盼望：
賽40：27~31先知真確信應允講：「雅各啊，你啥事講，以色列啊，你啥事講，我的道路隱密佇耶和華，我的案件無得著上帝料理。你豈未知嗎？你豈未聽見嗎？永永佇啲的上帝耶和華，創造地極者，伊無厭，伊亦無倦；祂的智慧無通測度。厭倦者祂互伊能力；軟茈者，祂加添伊的氣力。少年人亦會厭會倦，勇壯的人亦會跋倒。獨獨倚靠耶和華欲得著新的氣力。欲親像鷹鳥展翼飛高；走亦無厭；行亦無倦。」這段聖經是咱真多兄姊真熟的經文，真多人亦佇這段經文，得到非常大的幫助鼓勵。這幾年我亦用這段聖經寫互陳水扁總統，勉勵他信靠上帝，人生一切會經驗上帝的恩典及疼痛。
以色列民族面對滅國滅族的苦痛，先知以賽亞提醒，倚靠上帝欲得著新的氣力，欲親像鷹鳥展翅飛高；走亦無厭，行亦無倦（31節）。
12月11日暗時9點半，星中教社部長鄭忠仁牧師載林榮道長老及我到凱道陪伴靜坐的「救扁義勇軍」，有真多勇敢的台灣阿公、阿嬤堅持「打破司法獨裁，釋放阿扁總統」。直到半暝2點，舞台設備拆除完成，警察就開始柔性驅離靜坐群眾，一個一個抬上車，群眾一面唱歌一面喊口號，直到3點半完成驅離。佇參與非暴力抗爭過程，佇牧師祈禱中間，雖然面對警察的驅離，閣卡體會上帝賞賜信心、氣力及盼望。公投護台灣聯盟及台北公義行動教會亦欲繼續信靠上帝勇敢向前成做上帝公義、平安的見證！
今日是總會所訂「退休牧師、傳道師奉獻主日」，請咱眾兄姊為每一位盡程退休的牧師、牧師娘（丈）關心、代禱！願上帝賜福兄姊退休的生活，閣卡經驗、見證上帝時刻同行「盼望的人生」！咱每一位兄姊亦佇待降節閣卡體會上帝賞賜「盼望的人生」，親像咱教會婦女團契歡喜奉獻時間製作牛軋糖義賣關心教會財務的見證仝款充滿盼望！
評論: 0 |
引用: 0 |
閱讀: 3557
