謙卑信靠上帝

1月14日暗時當總統選票慢慢開出以後，佇我心內一直啲問上帝：「為什麼？這豈是祢的旨意？」後來看見詩篇62：1「我的心靜靜，專務聽候上帝」；第5節閣繼續告白講：「我的神啊，你著靜靜，專務聽候上帝。」詩篇62篇的作者對生命的經歷及內心深深的叫聲，面對極其哀傷、憂愁及不滿的心情，學習佇上帝的面前安靜聽候；這是非常困難的信仰課題！親像去年11月17日上午11點30分，當我佇台大醫院急診室看到已經安息10分鐘的昭堂兄，我用手摸他的頭額，我內心清楚問上帝：「為什麼？這豈是祢的旨意？」上帝的權能及旨意常常超過咱的經驗、期待及盼望！

面對新的一年，咱對詩篇62篇的信仰見證，重新反省、檢討自己及上帝信仰的關係，亦再次決志成做上帝歡喜的兒女及差用：

1. 充滿感恩告白上帝的恩典及疼痛：
詩篇62：1-2以及5-7詩人2遍告白上帝是人生及生命的拯救者！1-2節謳咾講：「我的心靜靜，專務聽候上帝；我的拯救是對伊來。獨獨伊是我的石磐，拯救我的；伊是我的高台，我大搖動。」（現代中文譯本：我安靜等候上帝；他是我的拯救者。只有他保護我，拯救我；他是我的堡壘，我不至於慘敗。）人生的經歷雖然面對真多及自己期待沒仝款的結果，尤其是自己或親人朋友的生死病痛，咱是呣是願意學習安靜、順服的信仰課題？當咱歡喜順服上帝的旨意，咱就會親像詩篇62篇的作者佇5-7節閣卡確信、歡喜告白講：「我的神啊，你著靜靜，專務聽候上帝，因為我的向望是對伊來。獨獨伊是我的石磐，是拯救我的；伊是我的高台，我搖動。我的拯救、我的榮光在佇上帝；我的氣力的石磐、我的閃避的所在亦在佇上帝。」（我安靜等候上帝；他是我惟一的希望。只有他保護我，拯救我；他是我的堡壘，我不至於慘敗。我的拯救和光榮都在上帝；他是我堅固的堡壘，是我的避難所。）

2. 謙卑、敬虔信靠上帝勇敢向前：
詩篇62：8-12是作者對以色列百姓以及上帝的子民誠懇的呼籲及請求，第8節勉勵講：「恁眾百姓著時時倚靠伊，佇伊的面前傾出恁的心；上帝是咱逃閃的所在。」（現代中文譯本：我的子民哪，你們要時常信靠上帝。你們要向他傾吐心意，因為他是我們的避難所。）第9、10節作者提醒世界人類佇上帝面前攏一律平等，尤其每一個人類的生命是上帝創造閣關心、疼惜所以人類沒分種族、膚色、性別、年齡攏應該彼此關懷、互相尊重、真實相疼；呣通偷提、搶劫、暴力傷害生命。作者佇11-12節結論特別提醒，因為確信世間一切的權能（權力）及慈愛（疼痛）是歸佇上帝，祂會照每一個人的所行所做報償或報應！作者並呣是用這種結論來恐嚇；威脅上帝國的子民，顛倒是閣卡勉勵上帝國的子民確實應該謙卑信靠上帝，時刻領受上帝託付的使命及責任，盡力、打拼勇敢向前完成！

1月19日上午，台南富強教會少年團契于庭安兄弟佇意外車禍中安息主懷，猶未滿20歲的年輕生命，佇教會服事非常熱心、活潑的青年，上帝引導他轉去身邊享受永遠的福氣。咱教會少年團契的青少年2011暑期佇喜樂保育院及富強教會做伙經驗上帝的疼痛及祝福，特別佇服事的信仰閣卡成做大家的喜樂及思念！豈采真多人欲問：「為什麼？這豈是上帝的旨意？」願咱閣卡信靠上帝學習咱的信仰課題。

台灣教會公報第3123期第21版唐培禮牧師的信仰見證：「良知與勇氣的傳承」以及「撲火飛蛾-一個美國傳教士經歷的白色恐怖」互我真受感動，唐培禮牧師夫婦經歷台灣人民佇國民黨政權白色恐怖的處境，堅持基督信仰犧牲、受苦，亦通過的關懷及疼痛成做台灣民主政治以及台灣人民的「祝福」！

2012年1月16日世今年美國的「馬丁路德金恩日」（1986年開始每年1月第3個禮拜），互咱紀念馬丁路德金恩牧師堅持基督信仰，為美國黑人民權運動犧牲、奉獻生命的見證！

今年咱台灣基督長老教會的主題：「疼惜國家台灣，遍傳基督福音」，咱義光教會設立亦進入第30年，今年教會主題亦繼續努力：「建立疼的團契」！

先知彌迦勉勵基督徒佇每一個時代，無論面對什麼狀況攏確定閣清楚的使命是：「人啊，伊曾指示你甚麼是好。耶和華愛你甚麼？獨獨愛你行公義，心存憐憫，謙卑及你的上帝相及行。」（彌迦書6：8）請咱每一位兄姊寫3項「願望」，做咱新的一年時時刻刻的祈禱：

回想過去一年，佇你我的生命經歷，請咱每一位兄姊寫3件你「感恩」的事：

我的新年新希望：