謙卑順服的生命／鄭英兒牧師

7月14日咱教會聖歌隊及少年團契做伙前往宜蘭縣員山圳頭參加「溯溪」活動，這是今年暑期非常特別的「信仰及生命學習」的課題！禮拜六（7月14日）早起7點半就開車出發，沒想到因為宜蘭縣「童玩節」以及貢寮「海洋音樂祭」原因，「蔣渭水高速公路」（5號高速公路）塞車嚴重，原來一點鐘的行程竟然2點半鐘才去到羅東五結教會。感謝陳伯杰傳道師親自帶隊，引導咱教會16位兄姊經驗非常特別閣寶貴的「生命經歷」。參加「溯溪」活動，呣那每一個人裝備齊全（四項重要裝備：防寒衣、防滑溯溪膠鞋、救生衣、安全帽），閣佇「溯溪」過程互相扶持及幫助，是真好的「團隊互助訓練」。佇炎熱的氣候，通佇清涼溪水享受上帝奇妙創造，亦通親近上帝賞賜的大自然，閣卡體驗「水驚人的力量」（包括「水上漂浮的體驗」）。坐佇溪水中享受中餐便當是真實的「水上餐廳」真正趣味。沒想到下的活動是進階性閣挑戰性的「生命課程」，分三階段進行：第1階段是對2公尺高的石頭面向天倒躺水面（上簡單的跳水），因為穿救生衣，水池的水亦沒深，連我曉泅水（游泳）的人亦有入水及吃水的體驗。第2階段是對4、5公尺高的堤防跳水入去深水池，本來認為自己應該沒問題就會跳落去，但是因為沒戴眼鏡對高低距離沒法度把握，致到躊躇、驚惶、考慮真久的時間以後，最後才勉強跳落水，雖然吃幾嘴的水，但是救生衣的緣故，自然就浮上水面，這是我人生第一次「正式」、「公開」的跳水經驗，對一個會驚水閣游泳的人來講，這確定是「冒險體驗的生命教育」，亦是「信心的考驗」，這呣是自己的「面子問題」，是上帝引導我「謙卑順服的信仰課題」！通講這是人生上帝賞賜非常寶貝生命經驗的「突破及見證」！這是我這次參加「溯溪」最大的成果及心得！第3階段是6公尺的「垂降」活動，佇溪水、山壁中自己靠繩索一步一步安穩落去水池；學習用正確的方法倚靠繩索體驗佇大自然中間的「生命經歷」。佇下的「溯溪挑戰篇」只有少數幾位沒完成3階段的挑戰，連這次最年長的康勝結執事亦攏完成。「溯溪」結束轉來五結教會，每人負責清洗自己穿的防寒衣及溯溪鞋，然後大家做伙分享佇「溯溪」過程的「生命學習」及「信仰課題」，互參加每一位兄姊及青少年充滿感恩上帝陪伴閣同行的「生命見證」！

今早起咱做伙研讀詩篇第24篇，主題是「偉大的君王」或「榮耀的君王」，真可能是大衛王時期的作品，總是聖經學家結論有可能佇幾種可能的場合及節期，以色列人朝聖的隊伍前往錫安山路中所吟唱的詩歌：（1）大衛王將約櫃扛進入耶路撒冷的時陣（參考撒母耳下卷6：12-19）（2）南國猶大滅國，以色列人受掠之前佇會幕中的節期（3）以色列人受掠回歸以後第一次新年節期。詩篇24篇由3部分組成：（1）1-2節告白創造宇宙萬物的上帝（2）3-6節提醒咱親近上帝的態度（3）7-10節清楚表明咱所相信的上帝是全能、全知充滿權能的上帝！願咱兄姊通過詩篇24篇做伙學習「謙卑順服的生命」來「跟隨基督」：

1. 敬虔、謙卑、誠實的心親近上帝：
詩24：3-4台語漢羅版聖經：「是誰會上耶和華的山？是誰會徛佇伊聖的所在？就是手清氣心清潔、存心無向虛假、咒誓無囥奸詭的人。」（現代中文譯本：「誰有權攀登上主的山（在耶路撒冷聖殿坐落的山）？誰可以進入他的聖殿？就是那手潔心清，不拜偶像，不發假誓的人。」）原來24篇第3-6節是以色列朝聖者來到錫安山山腳，一位祭司會唱出第3節的問題，然後另外一位祭司唱出第4-6節的回應（咱通參考對比詩篇15：2-5）。詩篇24：5-6台語漢羅版：「此號人欲得著耶和華賜福，閣對救伊的上帝得著義。諸個是尋耶和華的族類，雅各的上帝啊，這是愛見你的面的人。」（現代中文譯本：「上主要賜福給這樣的人；拯救他的上帝要宣判他為無罪。這樣的人來尋找上帝，來到了雅各的上帝面前。」）

詩篇24：3-6勉勵、提醒咱每一位基督徒，每一遍當咱親近上帝豈有敬虔、謙卑、誠實的態度？上帝期待咱、要求咱、命令咱正確的心態就近祂，咱才有可能通過心靈、生命及祂親密結連的過程得到祂的應允及賜福！包括咱每禮拜日的主日禮拜、教會各團契的聚會、活動，到咱兄弟姊妹自己個人的靈修生活，甚至這遍佇「溯溪」活動中，陳伯杰傳道師邀請我徛佇水中活動開始的牽手祈禱及吃便當的感謝祈禱攏是咱學習敬虔、謙卑、誠實的心親近上帝，領受上帝賞賜互咱的信仰及生命課題！

咱設教30周年的紀念CD，其中有一首詩「親像鹿渴慕溪水」--我的心切切欣慕祢，親像鹿欣慕溪水。只有祢是我心所愛，我欣慕來敬拜祢。祢是我的氣力、藤牌，我心靈獨獨降服於祢。只有祢是我心所愛，我欣慕來敬拜祢！」願咱時刻攏敬虔、謙卑、誠實的心親近上帝！

2. 甘願、順服、實踐的生命見證上帝：
詩篇24：1-2告白：「地及其中所充滿的，世界及佇伊中間的，攏屬耶和華。伊將地建立佇海的頂面，安置佇大水的頂面。」詩人提醒咱所信靠及敬拜的上帝是創造宇宙萬物及人類，大有權能、氣力、全能、全知的上帝！詩24：7-10詩人進一步告白欲進入耶路撒冷的君王是充滿榮光及權能的上帝，引導以色列人佇戰場刣贏得到勝利的上帝，耶路撒冷聖殿的門當抬頭來迎接充滿榮耀的君王上帝進入聖殿。詩人清楚咱親近及敬拜的上帝確確實實是充滿威嚴、權能、氣力獨一無二的真神上帝！當咱欲就近這位真神上帝，佇咱內在的動機一定必須要敬虔、謙卑、誠實的態度來到祂面前，這是咱得到上帝歡喜及接納的唯一方法！

閣卡重要是咱親近上帝的目的呣是只有得到上帝的賜福或是只有享受及上帝同在的平安及喜樂（敬拜及靈修的過程聖神的安慰、感動、扶持、幫助）。咱親近上帝是真真正正學習通過甘願、順服、實踐上帝旨意的生命見證上帝！親像詩篇24：4-6節所提醒及表明，咱是愛見上帝的面的人，咱亦是尋求上帝的族類，咱是手清氣、心清潔、存心無像虛假、咒誓無囥奸詭的人。亦親像詩篇15：2-5告白的信仰學習：「就是所行正直、所做公義、心內講誠實的人。伊無用舌加誣人，無歹款待朋友，人誹謗厝邊，伊無四界謠。伊的目睭看輕匪類，尊重敬畏耶和華的人。伊咒誓，雖莽家己剋虧亦無變換。伊銀借人無為著利息，無受賄賂來害無罪者。」

這期（3151期）台灣教會公報週刊第8版，林宜瑩兄弟報導咱教會少年團契7月9及12日前往樂山園擔任身障者陪伴及清潔義工、7月10日佇桃園觀音愛心家園及身障老師做伙做蛋糕，咱參與的青少年契友學習「謙卑、順服的生命」實踐上帝的疼。7月26日~8月9日許台立及謝旅陽2位兄弟參與總會教社委員會主辦「日本災後重建義工團」第2梯次前往仙台、石卷學習「疼惜生命、分擔苦難」的信仰課題，亦是「謙卑、順服的生命見證」！