訂閱
上一篇
返回
下一篇
苦難及榮光
作者: gikong 日期: 2012-03-25 21:08
聖經：約翰12：20-33
鄭英兒牧師
2012.03.25
3月13日（禮拜二）佇總會事務所參加第56屆第6次總會常置委員會議（簡稱總委會），這是我擔任七星中會第60屆議長職責最後一次參加總委會，所以閣卡抱著虔誠、謙卑及祈禱的心前往參加。這次總委會真重要的責任就是審查並確認提交第57屆總會通常年會的議案（包括一般議案及法規修改議案）；另外一案是總委會成員真不得已必需要討論決議「長榮大學董事會善處案」（2011年4月第56屆總會通常年會決議並要求6個月內應照總會決議改選，結果佇2012年1月竟然沒照總會決議送新任董事名單互教育部確定） ，總委會4、5年來經過這呢多次勸誡呣聽亦呣順服，最後不得不採取「戒規」，決定停權公職及會員權5年，但是保留最後機會，若佇4月8日前送回董事辭職書就不予停權；總委會討論「戒規」是上大的「苦難」！上帝時刻提醒咱每一個基督徒攏應該成做「盡忠的管家」，總是人的本性及軟弱常常引誘咱違背上帝的旨意行自己意愛，「信仰團體」通過教會法規的提醒及「戒規」引導咱回歸上帝的「正路」。這次總委會閣卡困難處理的是「再議北部大會定位案」，1951年總會成立後，北部大會繼續存在到現今，但是現時台灣基督長老教會教會法規的「憲法」中並沒「大會」存在，「北部大會」成做「定位不明卻實存的組織」，亦造成台灣基督長老教會整體組織內久長以來非常困難處理的問題。為著再議 北部大會定位並思考正面善處可性，總委會推派10人小組研議，其中成員包括李勝雄長老及我本人，我相信這是上帝互我亦是互台灣基督長老教會的「重擔」，甚至是一種「苦難」；總是我深信咱若謙卑跟隨耶穌基督的腳步，就可能將「苦難變成榮光」！這是每年受難週及復活節，全世界的教會及基督徒共同的信仰告白及生命見證，這閣卡是咱義光教會30年來，所有的牧長及信徒共同一致努力的信仰課題！
今早起咱做伙研讀約翰12：20-33，咱清楚看見耶穌來到他人生最後的階段亦是他3年多傳道生涯結束的時，耶穌準備行他人生生命的終點，他亦順服上帝旨意面對十字架的苦難、犧牲及死亡，咱閣一遍謙卑學習「苦難及榮光」的信仰功課：
1. 苦難及犧牲成做人類的盼望：
約翰福音12章12-19節記載佇隔日（禮拜一）耶穌光榮進入耶路撒冷的情形，有真多來準備過過節（逾越節）的猶太人就攑棕樹枝迎接耶穌，其中包括進前耶穌佇伯大尼互拉撒路對死復活的時，當場做伙彼群人亦繼續隨來耶路撒冷並且為復活的事做見證。迎接耶穌的人這呢多，法利賽派的人互相講：「咱卡做嘛沒採工，恁看，全世界攏隨伊去啦！」
約翰12章20-26節的記載是約翰福音書意義非常大的事件，有幾位希臘人（對猶太人的信仰真有興趣了解的外邦人）去見加利利的伯賽大人腓力，對他講：「先生，阮愛見耶穌。」腓力對安得烈講起這項事，2人就做伙去見耶穌。耶穌清楚自己道成肉體的救恩是賞賜全世界的人類（約翰3：16、4：42、8：12、10：16），雖然基督救恩是根源佇猶太人的宗教經驗，但是現今欲臨到全人類；希臘人前來見耶穌就是象徵將來基督徒的見證會廣傳普及全世界！
但是對耶穌來講，伊亦明白自己走向十字架犧牲、受苦、死亡的時刻已經近啦。約翰12：23-24耶穌對腓力及安得烈講：「「人子得著榮光的時到啦。我實實在在給恁講，一粒麥子若沒落地死，猶原是一粒若定；若死，就結真多麥仔。」耶穌清楚預言自己的苦難、犧牲、及死亡欲成做人類的盼望，因為親像一粒麥仔落地死，會結出真多麥仔！耶穌呣那確認自己的苦難及犧牲會成做人類的盼望，祂亦期待並要求門徒及所有基督徒學習跟隨祂的款式！所以耶穌繼續按呢講：「疼惜自己的生命的，會喪失生命；佇此世間甘願犧牲自己生命的，會保守生命直到永遠活。人若欲服事我，著隨我；我佇叨位，服事我的人嘛會佇遐。人若服事我，我的父會給伊尊重。」（25-26節）
2008年2月28日佇咱教會舉行「林家嬤孫受難28週年追思禮拜」，咱的姊妹教會韓國新堂中央教會的鄭永泰牧師講道的題目就是「一粒麥子」，鄭牧師相信林家嬤孫3人犧牲生命親像「一粒麥子」仝款，通過的苦難及犧牲成做台灣人民的盼望，台灣民主政治的盼望，閣卡住要成做「義光教會」疼及公義的盼望！
2. 苦難及死亡榮光上帝拯救生命：
約翰12：27-36的標題，現代台語版及台語漢羅版是：「人子著受舉起」，但是紅皮漢羅版及現代中文版是：「耶穌預言伊的死亡」；真沒仝款的標題，總是仝款描寫耶穌親嘴宣告伊欲死佇十字架頂，伊欲受舉起用伊死亡完成道成肉體的救贖及恩典，並按呢榮光上帝閣拯救生命！約翰12：27咱欲清楚看見耶穌佇客西馬尼園內，面對隔日殘酷、痛苦、背負全人類罪惡的重擔及壓力、十字架頂的凌辱、肉體及心靈的痛，沒人了解及體貼的孤單，耶穌講：「此陣，我的心亂操操，我欲講什麼？」豈欲講：「父啊，救我脫出這個時刻？」咱真實體會耶穌內心的矛盾、掙扎及苦痛！倚靠上帝，耶穌贏過自己人性的軟弱及試煉，耶穌堅決確信繼續講：「呣是！我是為著這個時刻才來。父啊，願祢榮耀祢的名。」（27節後半段及28節前半段）然後上帝的聲對天頂來，講：「我已經有榮耀我的名，欲閣再給祂榮耀。」上帝的回應肯定閣證明耶穌「上帝國宣教事工」以及十字架頂的苦難及死亡！徛佇耶穌身邊的群眾沒法度明白上帝回應的話，耶穌提醒上帝所講的話是欲互聽的，並且耶穌宣告講祂對地上受舉起的時，會吸引萬民歸倚祂。這段非常特殊只有約翰福音記載耶穌及上帝互相對話及應證的「事實」，互咱閣卡確信耶穌的苦難及死亡完成道成肉體的救恩，呣那榮光上帝並且欲拯救全人類的生命！
每時每刻咱充滿感謝，特別是佇受難週的節期，閣卡提醒咱-耶穌基督的苦難、犧牲及死亡榮光上帝的名，拯救全人類的生命亦成做世間人類生命的盼望！耶穌佇祂人生最年輕有為的33歲，甘願奉獻、犧牲自己寶貴的生命來完成祂道成肉體來到世間的使命及責任。耶穌期待咱每一位真實跟隨祂的基督徒，應該呣驚犧牲、受苦，上帝會保守、引導咱經驗永遠的活命閣成做別人生命的盼望及祝福-就是咱義光人共同的信仰使命及責任！
這期教會公報（3134期）22版林惠玲姊妹「超越生命的苦難」以及耕心週刊的「豆苗寶寶」攏通鼓勵咱「苦難變做榮光」的信仰見證！
鄭英兒牧師
2012.03.25
3月13日（禮拜二）佇總會事務所參加第56屆第6次總會常置委員會議（簡稱總委會），這是我擔任七星中會第60屆議長職責最後一次參加總委會，所以閣卡抱著虔誠、謙卑及祈禱的心前往參加。這次總委會真重要的責任就是審查並確認提交第57屆總會通常年會的議案（包括一般議案及法規修改議案）；另外一案是總委會成員真不得已必需要討論決議「長榮大學董事會善處案」（2011年4月第56屆總會通常年會決議並要求6個月內應照總會決議改選，結果佇2012年1月竟然沒照總會決議送新任董事名單互教育部確定） ，總委會4、5年來經過這呢多次勸誡呣聽亦呣順服，最後不得不採取「戒規」，決定停權公職及會員權5年，但是保留最後機會，若佇4月8日前送回董事辭職書就不予停權；總委會討論「戒規」是上大的「苦難」！上帝時刻提醒咱每一個基督徒攏應該成做「盡忠的管家」，總是人的本性及軟弱常常引誘咱違背上帝的旨意行自己意愛，「信仰團體」通過教會法規的提醒及「戒規」引導咱回歸上帝的「正路」。這次總委會閣卡困難處理的是「再議北部大會定位案」，1951年總會成立後，北部大會繼續存在到現今，但是現時台灣基督長老教會教會法規的「憲法」中並沒「大會」存在，「北部大會」成做「定位不明卻實存的組織」，亦造成台灣基督長老教會整體組織內久長以來非常困難處理的問題。為著再議 北部大會定位並思考正面善處可性，總委會推派10人小組研議，其中成員包括李勝雄長老及我本人，我相信這是上帝互我亦是互台灣基督長老教會的「重擔」，甚至是一種「苦難」；總是我深信咱若謙卑跟隨耶穌基督的腳步，就可能將「苦難變成榮光」！這是每年受難週及復活節，全世界的教會及基督徒共同的信仰告白及生命見證，這閣卡是咱義光教會30年來，所有的牧長及信徒共同一致努力的信仰課題！
今早起咱做伙研讀約翰12：20-33，咱清楚看見耶穌來到他人生最後的階段亦是他3年多傳道生涯結束的時，耶穌準備行他人生生命的終點，他亦順服上帝旨意面對十字架的苦難、犧牲及死亡，咱閣一遍謙卑學習「苦難及榮光」的信仰功課：
1. 苦難及犧牲成做人類的盼望：
約翰福音12章12-19節記載佇隔日（禮拜一）耶穌光榮進入耶路撒冷的情形，有真多來準備過過節（逾越節）的猶太人就攑棕樹枝迎接耶穌，其中包括進前耶穌佇伯大尼互拉撒路對死復活的時，當場做伙彼群人亦繼續隨來耶路撒冷並且為復活的事做見證。迎接耶穌的人這呢多，法利賽派的人互相講：「咱卡做嘛沒採工，恁看，全世界攏隨伊去啦！」
約翰12章20-26節的記載是約翰福音書意義非常大的事件，有幾位希臘人（對猶太人的信仰真有興趣了解的外邦人）去見加利利的伯賽大人腓力，對他講：「先生，阮愛見耶穌。」腓力對安得烈講起這項事，2人就做伙去見耶穌。耶穌清楚自己道成肉體的救恩是賞賜全世界的人類（約翰3：16、4：42、8：12、10：16），雖然基督救恩是根源佇猶太人的宗教經驗，但是現今欲臨到全人類；希臘人前來見耶穌就是象徵將來基督徒的見證會廣傳普及全世界！
但是對耶穌來講，伊亦明白自己走向十字架犧牲、受苦、死亡的時刻已經近啦。約翰12：23-24耶穌對腓力及安得烈講：「「人子得著榮光的時到啦。我實實在在給恁講，一粒麥子若沒落地死，猶原是一粒若定；若死，就結真多麥仔。」耶穌清楚預言自己的苦難、犧牲、及死亡欲成做人類的盼望，因為親像一粒麥仔落地死，會結出真多麥仔！耶穌呣那確認自己的苦難及犧牲會成做人類的盼望，祂亦期待並要求門徒及所有基督徒學習跟隨祂的款式！所以耶穌繼續按呢講：「疼惜自己的生命的，會喪失生命；佇此世間甘願犧牲自己生命的，會保守生命直到永遠活。人若欲服事我，著隨我；我佇叨位，服事我的人嘛會佇遐。人若服事我，我的父會給伊尊重。」（25-26節）
2008年2月28日佇咱教會舉行「林家嬤孫受難28週年追思禮拜」，咱的姊妹教會韓國新堂中央教會的鄭永泰牧師講道的題目就是「一粒麥子」，鄭牧師相信林家嬤孫3人犧牲生命親像「一粒麥子」仝款，通過的苦難及犧牲成做台灣人民的盼望，台灣民主政治的盼望，閣卡住要成做「義光教會」疼及公義的盼望！
2. 苦難及死亡榮光上帝拯救生命：
約翰12：27-36的標題，現代台語版及台語漢羅版是：「人子著受舉起」，但是紅皮漢羅版及現代中文版是：「耶穌預言伊的死亡」；真沒仝款的標題，總是仝款描寫耶穌親嘴宣告伊欲死佇十字架頂，伊欲受舉起用伊死亡完成道成肉體的救贖及恩典，並按呢榮光上帝閣拯救生命！約翰12：27咱欲清楚看見耶穌佇客西馬尼園內，面對隔日殘酷、痛苦、背負全人類罪惡的重擔及壓力、十字架頂的凌辱、肉體及心靈的痛，沒人了解及體貼的孤單，耶穌講：「此陣，我的心亂操操，我欲講什麼？」豈欲講：「父啊，救我脫出這個時刻？」咱真實體會耶穌內心的矛盾、掙扎及苦痛！倚靠上帝，耶穌贏過自己人性的軟弱及試煉，耶穌堅決確信繼續講：「呣是！我是為著這個時刻才來。父啊，願祢榮耀祢的名。」（27節後半段及28節前半段）然後上帝的聲對天頂來，講：「我已經有榮耀我的名，欲閣再給祂榮耀。」上帝的回應肯定閣證明耶穌「上帝國宣教事工」以及十字架頂的苦難及死亡！徛佇耶穌身邊的群眾沒法度明白上帝回應的話，耶穌提醒上帝所講的話是欲互聽的，並且耶穌宣告講祂對地上受舉起的時，會吸引萬民歸倚祂。這段非常特殊只有約翰福音記載耶穌及上帝互相對話及應證的「事實」，互咱閣卡確信耶穌的苦難及死亡完成道成肉體的救恩，呣那榮光上帝並且欲拯救全人類的生命！
每時每刻咱充滿感謝，特別是佇受難週的節期，閣卡提醒咱-耶穌基督的苦難、犧牲及死亡榮光上帝的名，拯救全人類的生命亦成做世間人類生命的盼望！耶穌佇祂人生最年輕有為的33歲，甘願奉獻、犧牲自己寶貴的生命來完成祂道成肉體來到世間的使命及責任。耶穌期待咱每一位真實跟隨祂的基督徒，應該呣驚犧牲、受苦，上帝會保守、引導咱經驗永遠的活命閣成做別人生命的盼望及祝福-就是咱義光人共同的信仰使命及責任！
這期教會公報（3134期）22版林惠玲姊妹「超越生命的苦難」以及耕心週刊的「豆苗寶寶」攏通鼓勵咱「苦難變做榮光」的信仰見證！
評論: 0 |
引用: 0 |
閱讀: 3338
