沒比的疼

聖經：約翰3：14-21
鄭英兒牧師
2012.03.18

佇過去一禮拜中間，聽到消息台北東門教會有2位我真熟年長、病痛的兄姊蒙主恩召、安息主懷，心內真呣甘亦思念，做伙佇基督信仰互相造就、關懷、勉勵同得成長，感謝，特別對阮家族的關心及疼惜。其中一位是創設得恩堂眼鏡公司的廖恩賜長老，祂頂禮拜日（3月11日）上午10點42分，當咱大家佇各教會參加主日禮拜的時陣，上帝佇病院中接納他完成世間的使命及責任，迎接他的靈魂及上帝永遠同在並享受永遠的平安及喜樂。每一遍看見基督徒兄姊一生生命及信仰見證，就閣卡感謝上帝沒比的疼痛及恩典時時刻刻佇咱中間啲鼓勵咱、提醒咱、帶領咱的生命努力、打拼成做上帝歡喜閣盡忠的奴僕！

這禮拜的耕心週刊第811期的主題是「疼與醫治」，其中第3節的信仰見證：「哇！祂的恩典真正大！」互咱得到真大的鼓勵。作者陳宏猷兄弟分享她的愛妻（牽手）面對乳癌第四期的苦痛，雖然15年前第一遍面對乳癌通過手術、化療及放射線治療得到真好的控制。沒想到14年後復檢時突然發現乳癌復發病大範圍轉移到身體真多部位。陳兄弟本身是內科醫生，14年認真研究乳房醫學，亦了解乳癌產生的苦痛， 14年來他一直關心愛妻的身體，乳癌復發的殘忍事實互他大哭閣呣甘。陳兄弟深深體驗人的盡頭是上帝的起頭，沒閣依靠其他，只有獨獨依靠上帝。他及愛妻、一對兒女做伙流目屎迫切代禱，懇求上帝帶領頭前的生命學習！後來6個月的治療過程，孟茹姊妹（陳兄弟的牽手）心靈及肉體面對真大的打擊及折磨、艱苦，尤其是化學治療一遍閣一遍造成身體多多苦痛，甚至考慮欲放棄。夫妻常常做伙流目屎祈禱，懇求上帝，憐憫醫治，亦歡喜順服上帝旨意。真辛苦完成6遍化療，2011年10月14日檢驗結果，孟茹姊妹身體所有的癌細胞全部消失，歡喜大哭，感謝上帝引導行出死蔭山谷，亦充滿感恩確信告白講：「哇！天父恩典真正大！」陳兄弟鼓勵咱每一個人（尤其是基督徒）著常常親近、信靠上帝，因為上帝時刻佇咱身邊，時刻幫助咱、醫治咱、施恩互咱，賞賜咱平安！

基督徒的一生，佇咱經驗一切生命學習，沒論歡喜、快樂、病痛得醫治、艱難得解除...或是目屎、艱苦、病痛、死失、安息主懷...，咱攏深深體會上帝沒比的疼佇生命每一時刻成做咱的應允及賜福，這就是基督徒真真正正歡喜告白--「永遠的活命」！
今早起咱做伙研讀約翰3：14-21，通過耶穌對尼哥德慕（尼哥底母）的信仰提醒及勉勵，引導咱閣一遍佇每日的生活經驗上帝「沒比的疼」：

1. 道成肉體賞賜永遠的活命：
約翰福音3：1-21有關耶穌及尼哥德慕的記載是新約四福音書「特別的見證」，其他3本福音書（馬太、馬可、路加）攏沒這個記載。尼哥德慕是法利賽派的人亦是猶太人的領導者，有一暗他去見耶穌講：「拉比，阮知你是上帝差來的教師。若呣是上帝同在，沒人會當行你所行這些神蹟。」尼哥德慕真可能是猶太公會（猶太人的最高法庭）的成員，他佇暗時沒人看到的時去見耶穌，雖然呣知他的動機，但是至少他是誠懇的態度去見耶穌並討論基督信仰。尼哥德慕對耶穌行神蹟的能力及權柄亦有正確的了解，耶穌後來2遍（第3節及第5節）對他提醒怎樣成做「上帝國的子民」：第3節耶穌講：「我實實在在給你講，人若沒重出世，就當看見上帝國。」第5節繼續講：「我實實在在給你講，人若沒對水及聖神來出世，就當成做上帝國的子民。」耶穌主要提醒人只有依靠聖神促成的更新才有可能進入上帝國，雖然聖神的運作親像風仝款沒法度看見，聖神卻真真正正存在佇咱生活所有層面。當尼哥德慕沒法度明白耶穌的提醒，耶穌只有用祂自己道成肉體的見證互尼哥德慕經驗上帝沒比的疼！

約翰3：14-17耶穌講：「親像摩西佇曠野舉起銅蛇，人子嘛一定著按呢受舉起。互逐個信祂的人得著永遠的活命。上帝連祂獨生的子to賞賜互世間，欲互逐個信祂的人免滅亡，反轉得著永遠的活命，祂這呢疼世間！因為上帝差祂的子來世間，呣是欲審判世間，是欲通過伊來拯救世間。」15及16節耶穌2遍重覆宣告，祂道成肉體佇十字架完成的救贖，親像摩西佇曠野舉起的銅蛇仝款，欲互信祂的人得著永遠的活命；這就是證明上帝沒比的疼這呢疼世間！（台語漢羅版：「伊疼世間到按呢。」，紅皮漢羅版：「上帝這呢疼世間人。」現代中文譯本：「上帝那麼愛世人。」）今日咱閣一遍歡喜承認、確信、接納耶穌基督道成肉體完成的救贖，咱就通經驗並享受「永遠的活命」，互咱通過上帝沒比的疼及同在，時刻體驗真正的平安及喜樂！

2. 慈光引領盡忠實行真理：
約翰4：18-21耶穌繼續勉勵尼哥德慕呣那通過耶穌道成肉體的救贖體驗永遠的活命，閣卡重要著確實接受上帝慈愛亮光引導帶領盡忠實行真理，這亦是咱深深告白上帝賞賜咱「沒比的疼」！

18節耶穌講：「信子的人受定罪；呣信的人已經受定罪，因為伊呣信上帝獨一的子。」19-20節耶穌進一步說明上帝的審判以及人的本性、人類的實況講：「上帝的審判是按呢：光進入世間，世間人卡愛黑暗，沒愛光明，因為的行為邪惡。做壞的人攏怨恨光，呣接近光，按呢伊的行為才露現。」雖然世界及人類的實況互人失望，人性的黑暗及墮落亦互人驚惶，總是耶穌對人類抱著盼望講：「呣久實行真理的人接近光，是欲顯明伊的行為是順趁上帝來做的。」

上帝的「道」--耶穌基督就是人類的光（約翰1：4），耶穌亦對眾人講：「我是世間的光，隨我的人佇黑暗中生活，反轉有活命的光。」（約翰8：12）上帝對世間人類的疼是這呢深、這呢闊、這呢大、這呢堅決，甚至犧牲耶穌基督的生命成做全人類的拯救及盼望！世界沒論任何所在，任何民族，沒管性別、年齡、地位、名聲、身份，每一個人若相信、接納耶穌基督十字架頂完成的救贖就會得到永遠的活命。

上帝通過耶穌基督道成肉體的救贖成做「世界及人類的光」，呣那一方面賞賜上帝的赦免、淨化、改變及權能，閣卡重要是消除罪惡及過犯，賞賜新生命（復活閣重頭生的生命）通順服上帝旨意，歡喜順服上帝、服事人，實踐真理互上帝國日日得到廣闊！
約翰14：6-7耶穌對祂的門徒勉勵講：「我就是道路、真理、活命。若呣是通過我，沒人會當去父遐。恁若識我，嘛會識我的父。對今以後，恁識祂，因為恁已經有看見祂。」願咱眾兄姊，呣那日日感恩經驗上帝沒比的疼，咱閣卡決志時刻信靠上帝，分享、見證祂沒比的疼！