訂閱
上一篇
返回
下一篇
疼的難題／鄭英兒牧師
作者: gikong 日期: 2012-05-06 12:18
哥林多前書12：12~31
2012年4月22日上午10點，基隆中山教會佇基隆市仙洞國小舉行「國道三3.1走山二周年音樂禮拜」，主題是「愛不孤單」。七星中會的金包里、九份、和平島及汐止等4間教會做伙協辦閣共同參與這個音樂禮拜，當日將近250人參加。賴德卿牧師為著這個音樂禮拜創造2首新歌：第一首是「愛不孤單」：分享閣見證，無論面對任何境況，上帝的疼時刻及同在，沒孤單。亦體會多多教會及兄姊的激勵、疼惜及祈禱陪伴勇敢向前行。第二首是「祈求土地平安」，對走山事件後，特別關心地質、高速公路邊坡維護、台灣人民徛起及道路的平安。這首詩是一首祈禱文，咱做伙為台灣的土地祈禱，願上帝的恩典及疼痛時刻及台灣國民同在，台灣國土得到疼惜，台灣全國國泰民安。咱深深體會賴德卿牧師、2位千金及林惠馨姊妹的親人，2年來經驗上帝的疼，陪伴做伙面對「疼的難題」及「生命的苦境」，亦欲充滿感恩回應閣告白：「疼沒孤單」！這是2000年教會歷史中基督徒非常寶貴的「信仰見證」，互咱閣卡謙卑、平靜、誠實信靠上帝面對「疼的難題」及「生命難題」的挑戰。基督徒的人生及生命通過多多「天路歷程」的學習及經驗，聖神慰助者引導、保守咱盡力、打拼成做「上帝國的見證」！
今早起咱做伙領受使徒保羅佇哥林多前書12章12-31節的勉勵，保羅鼓勵哥林多教會的信徒以及每一時代的基督徒，咱佇教會-耶穌基督的身軀內，怎樣盡心做伙學習「疼的難題」的信仰功課：
1. 基督疼痛內面，咱互相成做肢體，彼此相疼相扶持：
哥林多前書12：12-13保羅勉勵講：「親像身軀是一個，呣久有真多肢體；身軀雖然有真多肢體，呣久身軀只有一個；基督嘛是按呢。沒論是猶太人阿是外邦人，奴隸阿是自由的人，咱攏對仝一位聖神領受洗禮，成做一體，閣咱嘛攏飲仝一位聖神來得到潤澤。」（現代台語譯本）咱及天主教做伙翻譯的「紅皮漢羅聖經」是按呢講「親像身軀才有一個niāⁿ-niāⁿ，呣久有真濟部分；身軀所有ê部分雖然許呢濟，其實是一體，基督也是按呢。 因為由一位聖靈咱大家受洗禮來成做一體， 無論咱是猶太人阿是外邦人，是奴隸阿是自由ê人，攏領受仝一個聖靈。」保羅確信教會就是基督的身軀，所以佇教會內面，咱所有的基督徒，無論什麼種族、身份、文化、性別、年齡、語言、膚色...等，咱攏仝款接受同一位聖神的洗禮，咱應該成做合一的一體。雖然每一位基督徒是自立個別的生命，但是咱攏是仝一個肢體（教會-普世共同的教會或個別一間教會）的一部分，所以咱著學習成做仝一體合一的見證！
保羅繼續佇林前12：14-20進一步說明閣提醒，單一的肢體（腳、手、耳仔、目睭）沒應該單獨存在；若全身軀攏是目睭，欲用什麼來聽？若全身軀攏是耳仔，欲用什麼來看？來鼻？來吃？保羅佇18節深信按呢講：「其實，上主照祂的旨意將逐款肢體安置佇身軀。」保羅告白上帝創造每一個人沒仝款，有上帝佇每一個人身上的恩賜及才能（林前12：1-11），上帝通過每一個人沒仝款的恩賜、才能彼此成做肢體，互相結連成做一體，彼此相疼相扶持！
上帝奇妙的權能及旨意，創造世界宇宙萬物及人類，各從其類領受上帝特別的計畫及賞賜，尤其人類的生命對創造開始就有上帝的形象閣成做「盡忠的管家」，上帝引導咱每一個基督徒領受沒仝款的恩賜，通過咱歡喜互相認同、接納、彼此結連，佇基督疼痛內面，謙卑、誠心、真實彼此相疼、相扶持、相造就，同得著「豐盛、喜樂、平安閣永遠活的生命」！
2. 同擔苦難、同享榮光盡力成做生命共同體的見證：
林前12：21保羅提醒：「目睭當給嘴講：「我沒需要你！」頭嘛當對腳講：「我沒需要你！」保羅清楚佇教會內面，基督徒當看輕閣排斥其他的人，當講：「教會沒需要你，我嘛沒需要你！」。保羅佇林前12：22-26清楚說明教會內基督徒著怎樣盡力做伙努力「生命共同體」的見證！保羅勉勵講：「其實那些看起來卡軟弱的肢體顛倒卡有必要。咱看卡呣上目的肢體，顛倒卡著給看重，卡壞看的肢體，顛倒卡著給妝飾，那些卡好看的肢體就沒需要妝飾。上帝將身軀安排好勢，互那些卡沒重要的肢體得到卡大的尊重，通互全身軀免致到分裂，顛倒互逐的肢體互相照顧。一個肢體受苦，其他的肢體就做伙受苦，一個肢體得著榮光，其他的肢體就做伙歡喜。」（現代台語譯本）26節佇紅皮漢羅聖經翻譯做：「若有一部分艱苦，其他的部分就攏替伊艱苦；若有一部分受謳咾，其他的部分就攏及伊做伙歡喜。」保羅真清楚亦真確信要求每一時代的教會及基督徒，咱應該同擔苦難，同享榮光盡力成做生命共同體的見證！
林前12：26保羅提醒基督信仰「同擔苦難，同享榮光」的生命見證是咱台灣基督長老教會總會、中區會及地方教會「教會及社會事工」的聖經根據及信仰使命！自1998年開始，每遍分享總會、中區會、地方教會教社事工推動公義和平、急難救助及社區關懷3大工作，攏會講起林前12：26的聖經根據及信仰責任。甚至台灣基督長老教會信仰告白的教會觀---「釘根佇本地，認同所有的住民，通過愛與受苦，來成作盼望的記號」應該亦是根據林前12：26的信仰學習及實踐！
使徒保羅通過林前12：12-31鼓勵咱每一個基督徒，佇教會疼痛內面，咱著互相成做肢體，彼此相疼相扶持；閣著同擔苦難、同享容光盡力成做生命共同體的見證。但是常常佇咱人本性的軟弱、不足以及世間生死病痛的生命實況，咱必須要誠實、謙卑面對疼的難題所帶來的衝擊及挑戰！4月29日下晡咱教會第9屆小會佇非常謹慎、沉重閣真不得已的情形，為著咱義光教會的紀律及信徒兄姊信仰的培養，決議自2012年5月5日起停止鐘哲進退任長老義光教會會員權。願上帝的權能、恩典及疼痛佇咱的軟弱、過犯、罪惡中間時刻引導、扶持、幫助咱努力、打拼成做「盡忠的奴僕」通「榮光上帝、造福萬民」！
2012年4月22日上午10點，基隆中山教會佇基隆市仙洞國小舉行「國道三3.1走山二周年音樂禮拜」，主題是「愛不孤單」。七星中會的金包里、九份、和平島及汐止等4間教會做伙協辦閣共同參與這個音樂禮拜，當日將近250人參加。賴德卿牧師為著這個音樂禮拜創造2首新歌：第一首是「愛不孤單」：分享閣見證，無論面對任何境況，上帝的疼時刻及同在，沒孤單。亦體會多多教會及兄姊的激勵、疼惜及祈禱陪伴勇敢向前行。第二首是「祈求土地平安」，對走山事件後，特別關心地質、高速公路邊坡維護、台灣人民徛起及道路的平安。這首詩是一首祈禱文，咱做伙為台灣的土地祈禱，願上帝的恩典及疼痛時刻及台灣國民同在，台灣國土得到疼惜，台灣全國國泰民安。咱深深體會賴德卿牧師、2位千金及林惠馨姊妹的親人，2年來經驗上帝的疼，陪伴做伙面對「疼的難題」及「生命的苦境」，亦欲充滿感恩回應閣告白：「疼沒孤單」！這是2000年教會歷史中基督徒非常寶貴的「信仰見證」，互咱閣卡謙卑、平靜、誠實信靠上帝面對「疼的難題」及「生命難題」的挑戰。基督徒的人生及生命通過多多「天路歷程」的學習及經驗，聖神慰助者引導、保守咱盡力、打拼成做「上帝國的見證」！
今早起咱做伙領受使徒保羅佇哥林多前書12章12-31節的勉勵，保羅鼓勵哥林多教會的信徒以及每一時代的基督徒，咱佇教會-耶穌基督的身軀內，怎樣盡心做伙學習「疼的難題」的信仰功課：
1. 基督疼痛內面，咱互相成做肢體，彼此相疼相扶持：
哥林多前書12：12-13保羅勉勵講：「親像身軀是一個，呣久有真多肢體；身軀雖然有真多肢體，呣久身軀只有一個；基督嘛是按呢。沒論是猶太人阿是外邦人，奴隸阿是自由的人，咱攏對仝一位聖神領受洗禮，成做一體，閣咱嘛攏飲仝一位聖神來得到潤澤。」（現代台語譯本）咱及天主教做伙翻譯的「紅皮漢羅聖經」是按呢講「親像身軀才有一個niāⁿ-niāⁿ，呣久有真濟部分；身軀所有ê部分雖然許呢濟，其實是一體，基督也是按呢。 因為由一位聖靈咱大家受洗禮來成做一體， 無論咱是猶太人阿是外邦人，是奴隸阿是自由ê人，攏領受仝一個聖靈。」保羅確信教會就是基督的身軀，所以佇教會內面，咱所有的基督徒，無論什麼種族、身份、文化、性別、年齡、語言、膚色...等，咱攏仝款接受同一位聖神的洗禮，咱應該成做合一的一體。雖然每一位基督徒是自立個別的生命，但是咱攏是仝一個肢體（教會-普世共同的教會或個別一間教會）的一部分，所以咱著學習成做仝一體合一的見證！
保羅繼續佇林前12：14-20進一步說明閣提醒，單一的肢體（腳、手、耳仔、目睭）沒應該單獨存在；若全身軀攏是目睭，欲用什麼來聽？若全身軀攏是耳仔，欲用什麼來看？來鼻？來吃？保羅佇18節深信按呢講：「其實，上主照祂的旨意將逐款肢體安置佇身軀。」保羅告白上帝創造每一個人沒仝款，有上帝佇每一個人身上的恩賜及才能（林前12：1-11），上帝通過每一個人沒仝款的恩賜、才能彼此成做肢體，互相結連成做一體，彼此相疼相扶持！
上帝奇妙的權能及旨意，創造世界宇宙萬物及人類，各從其類領受上帝特別的計畫及賞賜，尤其人類的生命對創造開始就有上帝的形象閣成做「盡忠的管家」，上帝引導咱每一個基督徒領受沒仝款的恩賜，通過咱歡喜互相認同、接納、彼此結連，佇基督疼痛內面，謙卑、誠心、真實彼此相疼、相扶持、相造就，同得著「豐盛、喜樂、平安閣永遠活的生命」！
2. 同擔苦難、同享榮光盡力成做生命共同體的見證：
林前12：21保羅提醒：「目睭當給嘴講：「我沒需要你！」頭嘛當對腳講：「我沒需要你！」保羅清楚佇教會內面，基督徒當看輕閣排斥其他的人，當講：「教會沒需要你，我嘛沒需要你！」。保羅佇林前12：22-26清楚說明教會內基督徒著怎樣盡力做伙努力「生命共同體」的見證！保羅勉勵講：「其實那些看起來卡軟弱的肢體顛倒卡有必要。咱看卡呣上目的肢體，顛倒卡著給看重，卡壞看的肢體，顛倒卡著給妝飾，那些卡好看的肢體就沒需要妝飾。上帝將身軀安排好勢，互那些卡沒重要的肢體得到卡大的尊重，通互全身軀免致到分裂，顛倒互逐的肢體互相照顧。一個肢體受苦，其他的肢體就做伙受苦，一個肢體得著榮光，其他的肢體就做伙歡喜。」（現代台語譯本）26節佇紅皮漢羅聖經翻譯做：「若有一部分艱苦，其他的部分就攏替伊艱苦；若有一部分受謳咾，其他的部分就攏及伊做伙歡喜。」保羅真清楚亦真確信要求每一時代的教會及基督徒，咱應該同擔苦難，同享榮光盡力成做生命共同體的見證！
林前12：26保羅提醒基督信仰「同擔苦難，同享榮光」的生命見證是咱台灣基督長老教會總會、中區會及地方教會「教會及社會事工」的聖經根據及信仰使命！自1998年開始，每遍分享總會、中區會、地方教會教社事工推動公義和平、急難救助及社區關懷3大工作，攏會講起林前12：26的聖經根據及信仰責任。甚至台灣基督長老教會信仰告白的教會觀---「釘根佇本地，認同所有的住民，通過愛與受苦，來成作盼望的記號」應該亦是根據林前12：26的信仰學習及實踐！
使徒保羅通過林前12：12-31鼓勵咱每一個基督徒，佇教會疼痛內面，咱著互相成做肢體，彼此相疼相扶持；閣著同擔苦難、同享容光盡力成做生命共同體的見證。但是常常佇咱人本性的軟弱、不足以及世間生死病痛的生命實況，咱必須要誠實、謙卑面對疼的難題所帶來的衝擊及挑戰！4月29日下晡咱教會第9屆小會佇非常謹慎、沉重閣真不得已的情形，為著咱義光教會的紀律及信徒兄姊信仰的培養，決議自2012年5月5日起停止鐘哲進退任長老義光教會會員權。願上帝的權能、恩典及疼痛佇咱的軟弱、過犯、罪惡中間時刻引導、扶持、幫助咱努力、打拼成做「盡忠的奴僕」通「榮光上帝、造福萬民」！
評論: 0 |
引用: 0 |
閱讀: 2113
