上帝的奴僕／鄭英兒牧師

哥林多後書11：23-30

《聖詩194首》

開我目睭互我看見，

祢所啟示聖經真理。

開我耳孔互我聽見，

祢所傳報福音真理。

開我嘴唇互我意愛，

報傳真理到逐所在，

開我的心互我會備辦，

用主疼痛分享世間。

開我嘴唇互我報揚，

至聖的神！

    使徒保羅原來是教會及基督徒的「迫害者」，上帝奇妙的權能及拯救，改變保羅的人生及生命，保羅呣那成做基督福音的「宣揚者」及「見證者」，他亦一生盡忠，打拼成做「上帝的奴僕」！

1. 上帝奴僕必須經歷的艱難及困苦

    哥林多後書11：23-28保羅為著盡忠報傳基督的救恩面對閣經歷無數的艱難、勞苦、拖磨、困境及肉體的苦痛。

2. 生命的軟弱閣卡經驗上帝無盡的恩典

    林後11：29a保羅告白講：「啥人阮若，我沒軟弱？」

    林後12：7-9面對保羅身體的一隻刺，上帝對保羅講：「我的恩典有夠通滿足你的需要，因為你軟弱的時，我的氣力才會當完全發揮。」

    1977年4月大學2年「大腿骨折」以及1985年8月大專工作「高速公路車禍」住院、療養的感恩。

    1993年9月楊啟壽牧師邀請我擔任總會幹事，沒想到8月佇台北馬偕醫院「男性結紮手術」發現我有「糖尿病」，20年來上帝時刻的同在，互我佇自己的軟弱閣卡體驗上帝無盡的恩典。

3. 信靠上帝互軟弱變成做堅強：

    林後11：30保羅真實告白：「我那著展，欲展我的軟弱。」

    林後12：5保羅閣告白：「呣久我的軟弱以外，我為著自己展。」

    林後12：10保羅坦然告白：「為著基督的緣故，我kā軟弱、侮辱、困苦、艱難及迫害看做好，因為我軟弱的時，我上堅強。」

    林後13：9保羅歡喜告白講：「軟軟弱，恁堅強，阮就歡喜。阮所祈求的是恁會當成做完全。」

    1978年暑期佇澎湖離島將軍嶼，2位參加台灣基督長老教會舉辦的「澎湖服務隊」的大專青年，做伙委身未來欲成做「上帝的奴僕」。雖然後來這2位歷經沒仝款的造就、訓練、培養、服事的過程，1998年做伙佇總會事務所服事，今年7月1日起亦閣一遍同心同工做伙服事台灣基督長老教會眾教會、信徒及台灣人民。這是上帝引導林芳仲牧師及我學習盡忠成做「上帝的奴僕」的感恩及見證！