Goān Chú goán ê Siōng-tè ê bí-biāu tiàm tī goán ê téng-bīn; Goān Lí kian-kò͘ goán ê chhiú só͘ chòe ê kang, Goán ê chhiú só͘ chòe ê kang, goān Lí kian-kò͘ i.

願主──阮的上帝的美妙亻店佇阮的頂面。願你堅固阮的手所做的工；阮的手所做的工，願你堅固伊。

Thiⁿ-sài ìn i kóng, Sèng Sîn beh lîm-kàu lí, Chì-koâiⁿ-ê ê koân-lêng beh tì-ìm lí; só͘-í tùi lí siⁿ-ê beh chheng chòe Sèng, chòe Siōng-tè ê Kiáⁿ.

天使應伊講：「聖神欲臨到你，至高者的權能欲致蔭你，所以對你生的欲稱做聖做上帝的子。

Góa kiâⁿ-lō͘, góa tó tī bîn-chhn̂g, Lí lóng siông-sè chai; Góa it-chhè só͘-kiâⁿ--ê, Lí iā chhim-chai.

我行路，我倒佇眠床，你攏詳細知；我一切所行的，你也深知。

Kìⁿ-nā ūi-tio̍h ha̍k-seng ê miâ, kan-ta ēng chi̍t poe léng-chúi hō͘ chiah ê sòe-kiáⁿ ê chi̍t ê lim ê, góa si̍t-chāi kā lín kóng, i koat-toàn bōe sit-lo̍h i ê siúⁿ.

見若為著學生的名，干單用一杯冷水互諸個細子的一個飲的，我實在給恁講，伊決斷 失落伊的賞。」

I beh chòe ông tī Ngá-kok ê ke kàu tāi-tāi, I ê kok iā bô kiông-chīn.

伊欲做王佇雅各的家，到代代；伊的國也無窮盡。」

Góa ēng sin ê kài-bēng hō͘ lín, chiū-sī lín tio̍h saⁿ-thiàⁿ; chhin-chhiūⁿ góa bat thiàⁿ lín, lín ia̍h tio̍h án-ni saⁿ-thiàⁿ.

我用新的誡命互恁，就是恁著相疼；親像我曾疼恁，恁亦著按呢相疼。

Chú Siōng-tè kóng, Góa sī A-lī-hoat, koh sī O-bí-ka, hiān-chāi tī-teh, chá tī-teh, chiong-lâi tī-teh ê, sī choân-lêng ê.

主上帝講：「我是阿利法，閣是奧美加，現在佇啲、早佇啲、將來佇啲的，是全能者。」

Góa sī hó ê bo̍k-chiá; góa bat hiah ê sio̍k góa ê, sio̍k góa ê ia̍h bat góa.

我是好的牧者；我識許個屬我的，屬我的亦識我，