本週金句-創廿八15

作者:gikong 日期:2016-12-04 15:09

Góa ia̍h kap lí tī-teh, lí bô-lūn khì tah-lo̍h, Góa beh pó-hō͘ lí; ia̍h beh chhōa lí tò-lâi chit só͘-chāi, lóng bô pàng-sak lí, kàu Góa chiâⁿ tùi lí só͘ kóng-ê.
我亦及你佇啲。你無論去叨落，我欲保護你，亦欲導你倒來此所在，攏無放拺你，到我成對你所講的。」

類別: 本週金句 | 引用: 0 | 評論: 0 | 閱讀: 1089

本週金句-彼得前書二9

作者:gikong 日期:2016-11-27 16:36

Lín sī siū kéng-soán ê chióng-cho̍k, ông-ka ê chè-si, sèng-kiat ê kok-tō͘, Siōng-tè ê chú-bîn, beh hō͘ lín thang soan-iông Siōng-tè úi-tāi ê chok-ûi; chit-ūi Siōng-tè ū tiàu lín chhut o͘-àm lâi ji̍p tī I chhàn-lān ê kng-bêng.

恁是受揀選的種族、王家的祭司、聖潔的國度、上帝的子民，欲互恁通宣揚上帝偉大的作為；此位上帝有召恁出烏暗來入佇伊燦爛的光明。

類別: 本週金句 | 引用: 0 | 評論: 0 | 閱讀: 1120

本週金句-哥林多前書9:19

作者:gikong 日期:2016-11-13 19:54

我對佇眾人雖罔是自由，猶久將家己做眾人的奴僕，為著欲得著人愈多。
Góa tùi tī chèng lâng sui-bóng sī chū-iû, iáu-kú chiong ka-kī chòe chèng lâng ê lô͘-po̍k, ūi-tio̍h beh tit-tio̍h lâng ná chōe.

類別: 本週金句 | 引用: 0 | 評論: 0 | 閱讀: 1140

本週金句-路加福音一 37

作者:gikong 日期:2016-11-06 19:49

因為，上帝所講的話，無一句無力。
in-ūi Siōng-tè só͘ kóng ê ōe, bô chı̍ t kù bô la̍ t.

類別: 本週金句 | 引用: 0 | 評論: 0 | 閱讀: 1109

本週金句-以弗所書一3

作者:gikong 日期:2016-10-30 17:17

著稱讚咱的主耶穌基督的父上帝！因為伊有將天頂逐款屬靈的福氣，通過咱及基督結連，賜互咱。

Tio̍h chheng-chàn lán ê Chú Iâ-so͘ Ki-tok ê Pē Siōng-tè! In-ūi I ū chiong thiⁿ-téng ta̍k khoán sio̍k-lêng ê hok-khì, thong-kè lán kap Ki-tok kiat-liân, sù hō͘ lán.

類別: 本週金句 | 引用: 0 | 評論: 0 | 閱讀: 1162

本週金句-雅各書一12

作者:gikong 日期:2016-10-23 16:54

Jím-siū chhì-liān ê lâng chin ū hok-khì; in-ūi i ū keng-kè khó-giām, ōe niá-siū Siōng-tè èng-ún hō^. thiàⁿ I ê lâng oa̍h-miā ê hoa-koan.

忍受試煉的人真有福氣；因為伊有經過考驗，會領受上帝應允互疼伊的人活命的花冠。

類別: 本週金句 | 引用: 0 | 評論: 0 | 閱讀: 1247

本週金句-希伯來書十二14-15

作者:gikong 日期:2016-10-16 00:29

Tio̍h ló͘-le̍k kap chèng-lâng hô-bo̍k, kè sèng-kiat ê seng-oa̍h; nā bô, bô lâng ōe kìⁿ-tio̍h Chú.Tio̍h kín-sīn, chiah-bián ū lâng sit-khì Siōng-tè ê un-tián; chiah-bián ū to̍k-chháu hoat khí-lâi, chō-sêng gûi-hāi, tì-kàu chin chōe lâng siū ù-jiám。

著努力及眾人和睦，過聖潔的生活；若無，無人會見著主。著謹慎，才免有人失去上帝的恩典；才免有毒草發起來，造成危害，致到真多人受污染。

類別: 本週金句 | 引用: 0 | 評論: 0 | 閱讀: 1034

本週金句-羅馬書八38-39

作者:gikong 日期:2016-10-09 16:20

góa chhim sìn bô lūn sī sí, sī oa̍h, sī thiⁿ-sài, sī chiáng-koân ê, sī hiān-kim ê, sī chiong-lâi ê, ū koân-lêng ê, sī koâiⁿ, sī chhim, á-sī pa̍t ê siū-chō ê mi̍h, lóng bōe-ōe keh-tn̄g lán tī Siōng-tè ê thiàⁿ, chiū-sī tī lán ê Chú Ki-tok Iâ-so͘ só͘ ū ê thiàⁿ.

我深信無論是死、是活，是天使、是掌權的，是現今的、是將來的，有權能的，是高、是深，抑是別個受造的物，攏不會隔斷咱佇上帝的疼；就是佇咱的主基督耶穌所有的疼。

類別: 本週金句 | 引用: 0 | 評論: 0 | 閱讀: 1110