《此禮拜10/20金句》馬可福音 10：43-44

作者:gikong 日期:2024-10-19 20:53

Put-kò lín tiong-kan chiū m̄ eng-kai án-ni. Lín tiong-kan ài chòe tōa--ê tio̍h chòe lín ê chhe-ēng; ài chòe tē-it--ê tio̍h chòe chèng-lâng ê po̍k-jîn.

不過恁中間就毋應該按呢。恁中間愛做大的著做恁的差用；愛做第一的著做眾人的僕人。

類別: 本週金句 | 引用: 0 | 評論: 0 | 閱讀: 65

《此禮拜10/13金句》馬可福音 10：21

作者:gikong 日期:2024-10-12 17:47

Iâ-so͘ chù-ba̍k khòaⁿ i, thiàⁿ i, kā i kóng, "Lí iáu khiàm chi̍t hāng; lí khì, khì bōe só͘-ū--ê lâi pun hō͘ sàn-chhiah-lâng, lí tī thiⁿ-téng chiū ū châi-pó, jiân-āu lâi tè góa."

耶穌注目看伊，疼伊，給伊講：「你猶欠一項；你去，去賣所有的來分互散赤人，你佇天頂就有財寶，然後來隨我。」

類別: 本週金句 | 引用: 0 | 評論: 0 | 閱讀: 102

《此禮拜10/6金句》馬可福音 10：11-12

作者:gikong 日期:2024-10-05 22:32

Iâ-so͘ kā in kóng, "Bô-lūn sím-mi̍h-lâng, lî i ê bó͘ khì chhōa pa̍t-ê hū-jîn-lâng chiū-sī hoān kan-îm, ko͘-hū i ê bó͘; bó͘ nā lî i ê tiōng-hu khì kè pa̍t-lâng mā-sī hoān kan-îm.

耶穌給in講：「無論什麼人，離伊的某去娶別個婦仁人就是犯姦淫，辜負伊的某；某若離伊的丈夫去嫁別人嘛是犯姦淫。」

類別: 本週金句 | 引用: 0 | 評論: 0 | 閱讀: 79

《此禮拜9/29金句》馬可福音 9：39-40

作者:gikong 日期:2024-09-28 13:15

Iâ-so͘ kóng, "M̄-thang kā i chó͘-tòng, in-ūi bô lâng ōe hōng góa ê miâ kiâⁿ sîn-jiah, sûi-sî koh kóng góa ê pháiⁿ-ōe. Bô hoán-tùi lán--ê chiū-sī ūi lán.

耶穌講：「毋通給伊阻擋，因為無人會奉我的名行神跡，隨時閣講我的歹話。無反對咱的就是為咱。

類別: 本週金句 | 引用: 0 | 評論: 0 | 閱讀: 77

《此禮拜9/15金句》約翰福音 6：51

作者:gikong 日期:2024-09-14 22:43

Góa chiū-sī tùi thiⁿ kàng--lo̍h-lâi hit-ê oa̍h-miā ê piáⁿ. Lâng nā chia̍h chit-ê piáⁿ ōe éng-oán oa̍h--teh. Góa beh hō͘ lâng ê piáⁿ chiū-sī góa ê bah, sī ūi-tio̍h beh hō͘ sè-kan-lâng ū oa̍h-miā hiàn--ê.

我就是對天降落來彼個活命的餅。人若食此個餅會永遠活啲。我欲互人的餅就是我的肉，是為著欲互世間人有活命獻的。

類別: 本週金句 | 引用: 0 | 評論: 0 | 閱讀: 73

《此禮拜9/8金句》哥林多前書 10：33

作者:gikong 日期:2024-09-07 21:50

Lín tio̍h chiàu góa só͘ chòe--ê khì chòe. Góa ūi-tio̍h hō͘ tāi-ke hoaⁿ-hí, m̄-bat kiû ka-kī ê lī-ek, sī kiû tāi-ke ê lī-ek, thang hō͘ in tit-tio̍h kiù.

恁著照我所做的去做。我為著互大家歡喜，毋曾求家己的利益，是求大家的利益，通互in得著救。

類別: 本週金句 | 引用: 0 | 評論: 0 | 閱讀: 101

《此禮拜9/1金句》希伯來書 11：8

作者:gikong 日期:2024-08-31 23:44

Tùi sìn, A-pek-la-hán siū tiàu khì teh-beh sêng-siū chòe sán-gia̍p ê tōe ê sî, sui-jiân m̄ chai beh khì tó-ūi, iáu-kú i ū sūn-thàn chhut--khì.

對信，亞伯拉罕受召去啲欲承受做產業的地的時，雖然毋知欲去叨位，猶久伊有順趁出去。