Tio̍h記得安歇日，守伊做聖

 Tio̍h kì-tit an-hioh-ji̍t, siú i chòe-sèng

M̄-thang lām-sám稱耶和華你ê上帝ê名；因為lām-sám稱伊ê名ê人，耶和華的確無掠伊做無罪。

M̄-thang lām-sám chheng Iâ-hô-hoa lí ê Siōng-tè ê miâ; in-ūi lām-sám chheng I ê miâ ê lâng, Iâ-hô-hoa tek-khak bô lia̍h i chòe bô-chōe.

Án-ni, bô-lūn sím-mi̍h-lâng, nā kap Ki-tok kiat-liân chiū-sī sin chhòng-chō ê lâng; kū-ê í-keng kè-khì, taⁿ lóng pìⁿ-chòe sin-ê. 

所以人若佇基督，就是做新創造的，舊的代誌已經過去，今攏變成新的。

M̄-thang ūi-tio̍h ka-kī tiau-khek ngó͘-siōng, put-lūn thiⁿ-téng, tōe-chiūⁿ, kap tōe-ē chúi-lāi só͘-ū ê mi̍h, lóng m̄-thang chòe in ê siōng;

我以外，你m̄-thang有別個上帝。

 Góa í-gōa, lí m̄-thang ū pa̍t ê Siōng-tè.

啥人會當切斷基督對咱的疼？是患難，是困苦，是迫害，是枵餓，是散赤，是危險，抑是慘死？

Siáⁿ-lâng ōe-tàng chhiat-tn̄g Ki-tok tùi lán ê thiàⁿ? Sī hoān-lān, sī khùn-khó͘, sī pek-hāi, sī iau-gō, sī sàn-chhiah, sī gûi-hiám, á-sī chhám-sí?

sī chai lán kū ê lâng kap I tâng tèng, hō͘ chōe ê thé ōe hòe-khì, tì-kàu lán bô koh chòe chōe-ok ê lô͘-châi.

是知咱舊的人及伊同釘，互罪的體會廢去，致到咱無閣做罪惡的奴才。

Choân-pō͘ Sèng-keng sī Siōng-tè ê Sîn kám-tōng siá ê, tùi kàu-tō, tùi tok-chek, tùi kiù-chèng, tùi hùn-liān lâng kiâⁿ chiàⁿ-lō͘, lóng ū lī-ek,

全部聖經是上帝的神感動寫的，對教導，對督責，對糾正，對訓練人行正路，攏有利益。