耶和華講，hit日我beh應答，我beh應答天，天beh應答地；

 Iâ-hô-hoa kóng, Hit-ji̍t Góa beh ìn-tap, Góa beh ìn-tap thiⁿ, thiⁿ beh ìn-tap tōe;

Tio̍h tì-ì kap chèng lâng hô-bo̍k, í-ki̍p chiâⁿ-sèng, in-ūi nā m̄ sī  sèng bô lâng ōe kìⁿ-tio̍h Chú

Tio̍h致意kap眾人和睦，以及成聖，因為若m̄是聖無人會見tio̍h主

M̄-thang tham lí ê chhù-piⁿ ê chhù, iā m̄-thang tham lí ê chhù-piⁿ ê bó͘, lô͘-po̍k, lú-pī, gû, lû, í-ki̍p lí ê chhù-piⁿ it-chhè só͘-ū-ê.

M̄-thang貪你ê厝邊ê厝，也m̄-thang貪你ê厝邊ê bó͘、奴僕、女婢、牛、驢，以及你ê厝邊一切所有ê。

因為阮teh行，是tùi信m̄是tùi所看

 in-ūi goán teh kiâⁿ, sī tùi sìn m̄ sī tùi só͘ khòaⁿ

M̄-thang chòe ké ê kan-chèng, hām-hāi lí ê chhù-piⁿ.

 M̄-thang做假ê干證，陷害你ê厝邊。

Góa í-keng ēng chiah-ê kā lín kóng, beh hō͘ góa ê hoaⁿ-hí tiàm tī lín, ia̍h hō͘ lín ê hoaⁿ-hí móa-móa.
Lín tio̍h saⁿ-thiàⁿ, chhin-chhiūⁿ góa ū thiàⁿ lín; che sī góa ê bēng-lēng.

我已經用chiah-ê kā lín講，beh hō͘我ê歡喜tiàm-tī lín，亦hō͘ lín ê歡喜滿滿。
Lín tio̍h相疼，親像我有疼lín；這是我ê命令。

上帝對所羅門講，…所以賞賜你智慧聰明；我也beh賞賜你貨財、好額、尊貴；tī你以前ê列王lóng無有án-ni，tī你以後也無beh有án-ni ê。

Siōng-tè tùi Só͘-lô-bûn kóng, …só͘-í siúⁿ-sù lí

tì-hūi chhang-miâ; Góa iā beh siúⁿ-sù lí

hè-châi, hó-gia̍h, chun-kùi; tī lí í-chêng ê

lia̍t-ông lóng bô ū án-ni, tī lí í-āu iā bô beh ū án-ni ê.

Tio̍h孝敬你ê老父，你ê老母，hō͘你ê日子tī

耶和華你ê上帝所賞賜你ê地，得tio̍h久長。

 Tio̍h hàu-kèng lí ê lāu-pē, lí ê lāu-bú, hō͘ lí ê ji̍t-chí tī Iâ-hô-hoa lí ê Siōng-tè só͘ siúⁿ-sù lí ê tōe, tit-tio̍h kú-tn̂g.