／鄭英兒 牧師

台灣基督長老教會義光教會 2012.3.20

真多時陣徛佇義光教會大門口，看著對面水果店以及信義路3段31巷來來去去的人及車：閣回頭看見教會內面講台頂的十字架，我的內心充滿感謝，通過林家嬤孫3條生命的犧牲以及耶穌基督死、復活完成的救恩，上帝的疼真實臨到這個社區及厝邊已經30年啦！

回顧義光教會30年來的點點滴滴，咱有講 盡的感恩；總是想著義光教會設立的起源及精神，咱著閣卡互相提醒「疼及公義的盼望」的信仰課題：

1. 上帝的疼贏過一切：

保羅佇羅馬書8：35-39非常清楚告白講：「啥人會當切斷基督對咱的疼？是患難，是困苦，是迫害，是枵餓是散赤，是危險，阿是慘死？照聖經所記載：「為著恁的緣故，阮歸日面對死的威脅；阮互人看做?欲?的羊。」攏呣是！佇這些一切的代誌，咱靠疼咱的上帝贏到有剩！因為我確信，沒論是死，是活，是天使，是靈界的統領者阿是權力者，是現今阿是將來的，是天頂阿是地下的神靈，阿是其他的被造物，攏 當切斷上帝通過咱的主基督耶穌對咱的疼！」（現代台語譯本）保羅通過自己人生及生命經歷以及以色列民族歷史、信仰的實際經驗，他堅定確信世間沒一個人、沒一種制度、沒任何力量，甚至靈界沒一個神明會當切斷或隔離上帝對人類的疼！沒論是患難、困苦、迫害、散赤、枵餓、危險甚至慘死攏沒法度切斷上帝通過耶穌基督救恩賞賜互咱的疼！

2012年2月有3遍佇咱義光教會的畫面互我非常感動：（1）2月6日上午10點半，中壢高中公民科徐老師帶領4位學生訪問咱教會，一方面田媽媽（田孟淑長老）回顧1980年林家血案的親身經歷，一方面我亦分享義光教會的教勢， 真歡喜認識閣了解義光教會的歷史及現況。（2）2月11日下晡2點，台灣聯合國協進會青年團舉辦「牽阮的手」紀錄片放映會佇咱教會禮拜堂，當日超過80位青年人及台灣鄉親做伙觀看「牽阮的手」，沒論是坐椅子或是徛.看，大家攏認真接受「台灣民主政治的歷史教育」。尤其看到田秋堇立委回顧1980年2月28日林家血案發生當日的動畫以及1989年4月7日鄭南榕先生為著爭取「百分之百言論自由」自焚的動畫及相片，真多人感動流目屎。紀錄片放映結束，田媽媽及參加者熱烈互動討論，大家閣一遍喚起「疼惜台灣」的熱情亦做伙勉勵為著台灣的前途及未來共同加油、打拼。（3）2月16日下晡4點，日本東京神學大學9人（2位老師及7位神學生）前來訪問咱教會。除了我分享教會的現況及教勢，田媽媽亦特別用日語及 分享林家血案的經過及義光教會30年來的主要歷史。真感動義光教會設立的動機及信仰見證， 亦歡喜常常為咱祈禱，期待做伙打拼分享基督的救恩，互上帝國日日得著廣闊！

這3 遍來到義光教會的每一個人， 攏親身經驗「上帝的疼贏過一切」， 因為 見證林家嬤孫3 人的死亡、目屎及艱苦已經轉變做分享疼痛、平安、喜樂 的「義光教會」；這就是30 年來義光教會「疼及公義的見證」！

2. 咱著盡力成做疼及公義的盼望：

1980 年2 月28 日林義雄律師厝內發生「林家嬤孫3 人慘死」的滅門血案， 聽到消息的田朝明醫師、田孟淑長老及鄭兒玉牧師攏佇非常艱苦、驚惶及危險中 間，信靠上帝的引導，即時伸出關懷、疼惜、代禱的手，雖然沒法度明白上帝的 旨意，總是 佇聖神的提醒及催迫的中間，成做上帝疼及公義的見證，亦促成「義 光教會」的成立！鄭兒玉牧師1981 年8 月15 日佇台北中山堂收到方素敏姊及 奐均母女的感謝卡：「您的愛心和關懷是使我們想再活下去的唯一原因。衷心的 感激，謝謝您。」鄭牧師感動出聲哮，深深感謝上帝的疼真實成做素敏姊及奐均 生命的盼望，亦成做「疼及公義的見證」！

義光教會設立的時，「義光」的命名是根據詩篇89 篇14-15 節：「公平及 義理是你的寶座的地基；慈愛及誠實行佇你的面前。會識歡喜的聲者，彼個百姓 有福氣！耶和華啊， 佇你的面所發出的光.行。」（台語漢羅版）。這個聖經 根據，一方面告白上帝國的本質及地基就是公平、正義、公道及義理；一方面提 醒經驗上帝疼痛及公義的基督徒，必須要佇上帝疼痛、慈愛的亮光引導中，勇敢、 打拼、盡力成做「疼及公義的盼望」！

1947 年228 事件造成將近2 萬台灣鄉親及菁英的死失，其中包括台灣基督 長老教會的牧長及信徒：岡山教會蕭朝金牧師、淡江中學陳能通校長、林茂生博 士、張七郎醫師…等。真可惜當時台灣的長老教會猶未成立總會，只有各中會及 北部大會、南部大會，對228 事件的受難者及家屬亦真少表達關心，教會亦沒 對當時的國民黨政府表示抗議及譴責。一直到1990 年2 月9 日台灣基督長老教 會才正式公開發表：「對228 事件受難者及家屬的道歉」！ 1947 年228 事件 以後，國民黨政府的「白色恐怖統治」造成台灣人民彼此驚惶、疏遠及隔離。上 帝特別的恩典，佇1948 年暑期1200 多位台灣各地長老教會青年聚集到淡江中 學舉辦「夏令營」。 呣那互相得到基督信仰的造就、成長及培養， 看見台灣 現況的危機及教會的責任，這些基督徒青年的結連、呼籲及請求，最後促成南北 教會合一--- 佇1951 年3 月成立「台灣基督長老教會」亦召開第1 屆總會通常 會議！這是「白色恐怖時期」青年基督徒運動「合一的信仰見證」！

最近3 年咱義光教會的主題是：「建立疼的團契」。馬可福音12：30-31 耶 穌勉勵講：「你著全心、全情、全意、全力疼主你的上帝，閣著疼厝邊親像疼你 自己。」深深期待咱義光教會全體長執及信徒繼續堅持台灣基督長老教會信仰告 白的教會觀：「認同所有的住民，通過愛與受苦，來成做盼望的記號。」互咱台 灣全體人民閣卡看見「疼及公義的盼望」並且真實經驗上帝賞賜的平安及喜樂！