真理的得勝

聖經：約翰福音20：24~31

／高俊明牧師 佇義光教會設教三十週年感恩禮拜講道篇
洪增陽 台文記錄整理

敬愛的兄弟姊妹，大家平安！

今仔日全世界的基督徒?（在）數念（懷念）主耶穌受釘十字架後第三日對死復活，咱義光教會佇者爾（這麼）要緊的日子?感謝上帝，互咱義光教會設教三十周年。事實三十二年前的二月二十八日「二二八」彼日，即間（這間）厝是充滿悲哀、痛苦、絕望、吐氣（歎息）的所在，彼日義雄兄及其他的人佇軍事法庭受審判，素敏姊也來到彼個（那個）所在參加，總是即間厝竟然佇四周圍有多多警察、憲兵、調查人員等等佇的時陣，透中晝（正中午）十二點外有一個歹人入來，將林游阿妹女士~就是義雄兄的母??(老母)，伊受著歹人刺了十三刀死去，義雄兄、素敏姊兩個雙生子~當古錐、讀衛理幼稚園的亮均及亭均，猶原互即個（這個）歹人誅（捅）一刀死去，義雄兄、義雄嫂的大查某子奐均，亦是互彼個歹人誅六、七刀流血過多。彼個時陣，義雄兄的秘書秋堇發見著，趕緊連絡送到仁愛病院，佇許（那裡），柯(賢忠)院長~就是當時台灣胸腔外科的權威~趕緊給伊手術，佇許亦感覺著拍算（打算）無法度通救即個囝子。啊！佇即款（這種）的情形下面，義雄兄呣知影（不知道）什麼代誌，就是按呢得到暫時的釋放，人是頭起先（一開始）給伊講，講是欲互你去病院檢查身軀啦！所以伊快快樂樂出來，及朋友亦有講笑、亦有講話，總是，沒偌久（不久）伊感覺彼個情形真奇怪，康寧祥先生到路尾（最後）就佇許（在那裡）及伊講，講你的老母互人?死，你的兩個子亦是死去，你的大?查某子即碼（現在）救會起來 起來亦呣知影。喔！彼個時陣康寧祥先生知影義雄的感受，義雄一直?忍，總是，康寧祥先生及伊講，講你若是艱苦你會使哭出來，義雄兄佇彼個時陣放聲大哭，這就是即個家庭佇三十二年前抵著（遇到）的悲慘，素敏姊看到即個情形也是非常的艱苦，義雄兄及記者佇彼個所在講起伊的老母，三十捅（出頭）歲就守寡，後來就辛辛苦苦給伊培養，逐早起就到恩主公佇許來唸經，懇求神明照顧伊的子兒，伊的老母亦是真熱心的佛教徒，知影義雄會抵著多多困難的時陣，她就幾十年的中間為著義雄喫早齋，失落者爾有疼心的老母及子兒，義雄兄及素敏姊絕望，差不多就是感覺活佇即個世間伊已經沒路用啦！

總是好佳哉（幸好）彼個時陣鄭兒玉牧師及太太，抑是（或是）其他的 基督徒為著即個家族來祈禱，所以素敏姊漸漸得著安慰，對著聖經的話、對佇 主的憐憫，知影有一位創造宇宙萬物的真神，伊的獨生子耶穌基督來到佇即個 世間，對佇按呢，就進入信仰的內面。彼個時陣好佳哉奐均救有起來，素敏姊 真愛奐均趕緊離開即個黑暗的台灣，總是經濟上很困難，即個所在亦變做多多 人真驚惶的所在，因為發生即款的血案。好佳哉，彼個時陣素敏姊有一個真強 的意願，設使（如果）發生即款慘案的所在，若會當（可以）成做教會來宣揚 上帝的疼，來宣揚耶穌基督救人的福音，呣知偌好（多好）？呣知會當幫幫助 偌多（多少）佇失望、吐氣彼款的中間的人？鄭兒玉牧師聽著即個代誌，真感 動，真感覺講即個就愛按呢來實行，所以發動真多的基督徒，連佛教的信徒抑 是一般的人亦是真支持即款的眠夢，著愛互即個發生血案、悲慘、痛苦、絕望 的所在，來變成做教會，來宣揚耶穌救人的福音，所以 努力、 打拼，後來 佇三十年前即個所在，就變成做義光教會，咱今仔日就是用感謝的心來記念者 個（這些）事實。 咱抵正（剛剛）讀的聖經，就是?記載主耶穌擔當咱全人類的罪及痛苦， 勇敢順服天父的旨意，後來互人釘佇十字架，佇許痛苦，佇許非常非常的悲慘 來死去，當時耶穌的學生彼個心情，我想是及三十二年前的二月二十八義雄 兄、素敏姊 的心情相像款（同樣地）絕望，到今?想講是人類的救主耶穌， 有彼個力及人望通成做國王，總是伊沒愛；有彼個氣力通享受世間的榮華富貴， 總是耶穌伊沒愛。就是甘願為著救全人類，來擔當人類的罪惡及痛苦，歡喜互 人來釘死，即個是耶穌的情形。看到耶穌互人釘死佇彼個十字架流血，也沒留 一本書、也沒留一塊土地、也沒留什麼財產什麼大事業，死佇彼個十字架頂。 者個學生非常非常的絕望、失志，總是，互人釘死佇十字架了後的第三日透早， 抹大拉的馬利亞及其他幾位婦仁人走到耶穌的墓的所在，佇許去抵著（遇到） 主耶穌~ 對死復活的主耶穌，所以抹大拉的馬利亞趕緊轉來給彼得講、給其 他的學生講：「耶穌已經復活！」聽了，學生也走去。有影！看著即個墓空 空。佇許經過一段時間，主耶穌本身出現互者個學生看，來證明伊確實有對死 復活，呣是普通的人昏去復活即款的，抑是彼款暫時復活幾年了後復死，主耶 穌的復活就是永遠的復活，沒復死的復活。今者個學生看著復活的主耶穌後， 彼個時陣多馬沒在場，所以者個其他學生給多馬講，講阮已經有看著對死復活 的主耶穌了。多馬呣信，講絕對沒彼款的代誌啦，我若親目沒用目睭來看，用 我的指頭仔來探入耶穌互人釘釘的手中，閣我的手若沒給伊摸耶穌互人用槍刺 的?下的彼個傷跡，絕對沒來信即款的代誌。經過八日，主耶穌看著彼個學生 及多馬佇彼個所在，主耶穌出現，佇許講：「願恁平安！」主的平安及咱普通 的平安沒像款（不相同），呣是賺大錢抑是榮華富貴來得到平安，就是佇多多 的苦難、罪惡、殘忍的情形，猶久（仍然）有的即款的平安、沒人會當給咱搶去的彼個平安，所以主耶穌出現互多馬及其他的學生，給多馬講：「你伸你的指頭仔來探我手中的傷跡，你用你的手來摸我的?下互槍刺的所在。」多馬所看到的即個耶穌，就是確確實實三日前互人釘十字架死去的彼個耶穌！伊非常的感動。伊只有跪落去佇主的面前講：「我的主啊！我的上帝啊！」來表白伊對主耶穌的信仰。

今仔日咱真簡單欲來相及（一起）想三項代誌，頭一項，就是十字架的真理；第二項，就是復活的真理；第三項，就是基督徒的使命及責任。

頭一項、十字架的真理：

十字架的真理是什麼款的真理？主耶穌講：「我就是道路、真理、活命！」咱若是欲研究哲學所講的真理，真複雜也真抽象，總是，真理是什麼？真理就是耶穌基督，永遠 改變，受即個真實的疼所充滿的耶穌就是真理，永遠充滿彼個實實在在的正義，彼個就是真理。耶穌的十字架，十字架就是羅馬帝國所發明人類有史以來上（最）殘忍的一個刑罰，佇許將即個受刑的人用真長真利的釘釘在手中，閣兩隻腳疊起來用真長閣利的釘釘佇十字架，後來將已經釘好的犯人給他徛（立）起來，彼個時陣歸身軀（全身）的重量就會挽（拉扯）受釘傷的手及腳的傷跡，彼個呣是親像槍殺，槍一砰去（一個擊發）就隨時死去，彼就是人 睏 喫、逐時刻逐瞬間痛苦的繼續，愈來愈艱苦，幾若（好幾個）點鐘甚至有人著愛幾十點鐘才會死去，耶穌伊會當做國王，耶穌伊會當叫十二個營的天軍天兵來抵抗者個羅馬的軍隊，總是伊沒愛，伊所愛的就是眾人的得救，伊所愛的就是眾人成做上帝國的子民，伊所愛的就是眾人成做上帝的子及查某子，伊.想的呣是家己（自己），伊.想的完全沒家己，所以受釘佇彼個十字架頂真艱苦的時陣，猶久伊的心就是.祈禱上帝：「天父啊！求你赦免者個人的罪。」~~者個人就是給伊嫉妒、用錢買收者個一般的人民，教者個人民著愛喝講：「釘伊佇十字架！釘伊佇十字架！」者個人。主耶穌說：「天父啊！赦免 ！因為 所做的 呣知！」者個受頂司的命令將耶穌釘佇十字架的兵丁，嘛是服從頂旁（上面）的命令，「上帝啊！ 呣知影， 曉啦！沒法度分別什麼是著（對）什麼呣著，求你赦免 ！」這是完全的疼，沒條件的疼，耶穌伊知影欲救眾人來成做上帝國的國民，來成做上帝的子查某子，是只有會當用絕對的疼心才會當救。甚至欲表現即個絕對的疼心，就是愛擔當眾人的罪及痛苦，來受釘死佇十字架。所以耶穌伊就是創造宇宙萬物、上帝的獨生子，猶久伊落來即個世間成做一個勞動者木工的子，知影人類的痛苦，知影人類的罪惡，伊只有知影欲贏過即個惡勢力、欲贏過魔鬼的勢力，只有一項，就是著愛用正義，著愛用真實的疼~agape才會當。所以耶穌的十字架就是教示咱，佇即個人生有影有真多互咱 理解的氣力。素敏姊看著伊的大家（婆婆）及兩個子，許爾（那麼）殘忍互人害死，伊想講即個世間那有者爾殘忍的人，者爾古錐、者爾乖巧的囝子亦敢給伊害死、誅死！哎呀，有影！今仔日的台灣亦是按呢啦！真多散赤的人沒物通喫，沒厝通睏變成做街友，多多人看著逐項物攏.起價，心肝真艱苦，總是即個時陣咱每一個人著愛瞭解，主耶穌教示咱即個十字架的深義，用真正的勇氣來面對苦難、來面對咱四周圍的罪惡，請咱著愛向前行佇即個光明的路。後來我會繼續講者個代誌，總是，至少十字架的真理就是教示咱真實的疼，就是最後的勝利者。

第二項、復活的真理：

復活的真理互咱知影，有史以來沒一個醫生贏過死亡，沒一個君王贏過死亡，亦沒一個勇士英雄贏過死亡。死~就是罪的工錢，每一個人攏有犯罪。上大的罪是什麼？就是沒欲有孝（孝敬）創造宇宙萬物的真神，沒欲信靠即位為咱犧牲生命的耶穌，沒欲跟隨耶穌的腳步，未記得家己夯（揹）十字架來及主相同行，即個就是罪啦！總是，主耶穌伊愛互咱知影，創造宇宙萬物的真神伊是全能的，亦會當互人、互死去的人對死復活，甚至互者個人進入佇上帝國，佇彼個正義、仁愛、和平的所在，上帝欲對咱目睭擦去攏總的目屎，互咱佇彼個美麗、充滿疼心的世界，永遠沒復死，沒復流目屎，沒復受苦難，即個就是主耶穌復活欲互咱知影。有人講即個我著呣曾（不曾）看著，即款的代誌絕對沒事實啦！有影，多馬亦是按呢想，總是有關多馬的即個傳說，就是講伊後來看著主耶穌對死復活，伊變成做一個真勇敢為主來犧牲家己的人，後來伊到佇印度，我讀台南神學院的時陣，有一個印度的牧師，來到台南神學院對阮講道，彼個牧師伊及阮講，講：「我是屬佇印度的Martoma Church~~聖多馬的教會，就是耶穌的學生，本來僥疑（懷疑）主耶穌會復活的彼個學生，後來到佇印度，佇許用伊的疼心、用伊的見證，來引導多多人信主。」我聽了非常的感動，彼個僥疑主耶穌的多馬，到路尾就變成做相信主耶穌的十字架及對死復活的多馬，來傳福音到佇印度。我猶會記得彼個印度的牧師伊講一句英語(伊當然攏是用英語講)，總是其中一句話，伊講：「If your love is deep enough, you can do anything, even miracle.」設使你的疼若是有夠額（足夠）深，有夠額強，你會當做任何的好事，連神跡恁也會當做~~即句話互我非常感動。主耶穌的復活欲給咱講，即個真理就是按呢，伊講「我就是路，就是人欲到佇上帝國若是隨我的腳步，按呢來活、按呢來行會當到佇上帝國，我就是彼個路！」耶穌就是道路，耶穌就是真理，耶穌就是活命。活命~就是耶穌用彼個對死復活來證明。有的人講，你按呢講我嘛沒欲信，我本來嘛是相象款沒愛信，總是，看聖經佇許講：主耶穌死了後第三日復活，互抹大拉的馬利亞看、互彼得看，互其他的使徒看，也曾一擺（一次），就是互當時五百外（多）的人看，到路尾亦互彼個反對基督教到掠基督徒來迫害的掃羅看，彼個基督教的掃羅變成做使徒保羅，來傳福音到多多所在，呣驚死、呣驚艱苦來傳即個福音。佇許個基督徒的勇氣內面，我看著主耶穌確實對死復活，若沒，者個驚驚惶惶、失望的使徒，那有法度通經過者爾多的迫害？初代的基督徒受羅馬帝國兩三百年的迫害，有的掠去斬頭，有的用鋸子熅熅仔（慢慢地）給伊鋸死，有的將伊兩隻手斬互斷，腳亦斬互斷，基督徒抵著真多艱苦。總是，經過兩三百年的羅馬帝國用 的軍隊、用 的武器、用 的法律、用 的勢力，佇許迫害手沒寸鐵的基督徒，是按怎樣者個初代教會的基督徒，佇彼個兩三百年羅馬帝國的迫害內面，猶久堅持 的信仰？到佇主後三百外年了後，許爾強大、許爾富裕的羅馬帝國滅亡抑是分裂，到路尾亦是滅亡，今仔日佇即個世界嘛尋沒羅馬帝國，總是，基督徒有沒去（消失）嗎？耶穌的教會有沒去嗎？沒啦！愈來愈多人佇即個苦難的中間信靠對死復活的主耶穌。所以主耶穌就是道路、是真理、是活命！

上路尾項(第三項)、基督徒的責任及使命，亦包括呣是基督徒：

即十年來我及自由時報的董事長吳阿明常常.關心者個家庭問題的設法，.表揚者個模範、美滿的家庭，最近即個吳阿明董事長忽然間曾佇阮立法院聚會的時陣，向大家講一句話，講我是猶未領洗禮的基督徒，我聽了真感動，敢採（或許）咱中間亦有猶未領洗禮的基督徒，恁的心已經有信仰，恁的心已經有對主耶穌的疼，總是恁猶未領洗禮。沒要緊！繼續信靠主耶穌，主耶穌欲將真要緊的使命交代你、交代我，所以已經知影十字架的真理及復活的真理的你、我及每一個人，呣通恬恬（沉默），咱著愛發言，勇敢為著疼真理發言，勇敢為著台灣發言，勇敢為著台灣承當，我真歡喜義雄兄及素敏姊佇者爾多的艱苦的中間設立台灣社會運動史料館，抑是組織即個慈林文教基金會，.教育者個少年人互 知影台灣過去的事實、現在的事實及將來的目標，即個就是義雄兄素敏姊已經有感覺彼個使命.做的代誌。我亦真歡喜奐均伊及米國一個宣教師結婚，伊已經有四個查某子，現在閣懷孕，大概佇即個四月第五個子欲出世，第五個猶原若親像是查某子，沒要緊，佇耶利米書三十一章二十二節有一句話我最近足愛足愛，佇許講：「上帝伊佇地面上欲做一項代誌，就是女性欲保護男性。」咱查甫人著愛卡謙卑，呣通想講咱卡勇，事實上帝按呢做已經做幾若擺（好幾次）啦！蔡英文出來的時陣我亦是按呢講，今仔日是新的時代，伊欲做男性的保護者，總是今仔日我徛佇即個所在，亦是按呢一直.想義光教會使命的時陣，發見著即個義光教會的成立，亦是有女性素敏姊，亦是有女性奐均~~伊半年後才知影阿嬤及兩個小妹攏互人誅死，伊就按呢關房間的門歸日佇許哮（哭）、佇許流目屎，啊！真艱苦！總是隔日伊就知影倚靠主來贏過者個悲哀，我相信奐均伊生者爾多的囝子，伊欲生第二子時我及我的婦仁人有去到Hawaii來給伊訪問，伊沒法度先出來及阮請安，伊的先生Joel Linton講伊即碼真艱苦沒法度通出來，經過不止仔久（好一段時間）了後，奐均才出來，我知影每一擺伊懷孕的時陣攏真艱苦，總是我猜想伊沒嫌艱苦欲生許爾多囝子，就是欲通過即個新的生命，給伊教育、互伊有信仰、互伊有能力，來建設台灣成做上帝國的一部份，來建設台灣互伊成做真善美的一個國家，來建設台灣會當造福人類，造福佇台灣兩千三百萬的人民的一個所在。所以生許多查某子沒要緊，咱呣通給伊擋，會曉賺錢的著愛賺卡多來互伊，幫助伊培養者個子兒。耶穌是道路、是真理、是活命，伊愛咱保重者個真理，保護者個生命，每一個生命佇胎的內面就是人，咱呣通給伊結束 佇胎內的生命，咱著愛互者個囝子攏會當有信仰、有才能、有氣力通疼上帝、疼台灣、疼人類，我真歡喜咱義光教會呣是干當（只有）個人佇者（在這裡）.做會當造福台灣的代誌，我亦知影有的人認養者個抵著問題抑是困難的細子，佇許來給伊疼惜，咱義光教會每年亦為著二二八的家屬.舉辦真要緊的禮拜抑是聚會，咱義光教會亦繼續佇者.關心台灣的前途，這呣是只有關心若定（而已），著愛發言出聲，著愛用行動來努力疼台灣，呣是只有呼籲佇台灣的眾人及咱相及來建設上帝所歡喜、充滿正義仁愛和平的台灣國按呢若定。有的人講，講欲培養一個囝子來貢獻佇社會，需要全部落的人做伙來努力，咱欲建設台灣成做新而獨立的國家，呣是幾個人仔（少數人）就會當，義雄兄常常有.講起彼個鸚哥的故事，所以講慈林充滿慈悲充滿慈愛的人、樹林，幾十萬幾百萬的者個人，彼個是一個氣力，咱著愛傳福音、咱著愛招閣卡多人相及聚集，需要的時陣相及合作、行動，呣那（不僅）是台灣內面的人若定，咱義光教會及韓國的教會結做姊妹的教會，我盼望以後亦會當及米國的教會結做姊妹教會，日本的教會結做姊妹教會，抑是菲律賓、泰國、緬甸多多所在結做姊妹教會，需要的時陣咱會使為著建設台灣、建設緬甸、建設其他的國家做上帝所歡喜的國家來努力，即個是咱每一個人的責任。咱呣通佇今仔日復活節即個義光教會成立三十周年的時陣，只有講：「啊！我參加即個復活節的禮拜真歡喜。」呣通只有按呢！信仰若沒行動就是死的！咱有信仰，咱著為著台灣發言，勇敢為著真理、為著正義、為著和平發言，呣是發言若定，著愛行動！盼望咱的人生變成做疼上帝、疼真理、疼耶穌、疼台灣、疼人類的人生，來榮光上帝，造福眾人！

後記： 高俊明牧師感恩禮拜講道，全程使用台語，沒有俯首看稿更沒有講道稿，如何落實成文字也實在讓筆者難以取決。在聽取講道的錄音檔後，還是決定以台文呈現，雖然不見得讓多數人可以輕鬆閱讀，但是做這樣的決定基於兩個理由：第一、高牧師的台語若轉譯成華語，除了某些台語的意境不易表達外，也容易因筆者個人翻譯不精確而失真；第二、長老教會信徒對於台語文字並非陌生，故讀起來亦非難事，同時，為台語禮拜的教會保留一篇台文也是應該。所使用之台語文字除了參考台語漢字版聖經，也多處引用陳修主編之《台灣話大詞典》（遠流出版社），並且為求內容劃一，台語裡的平埔族語成份亦一致使用漢字取代白話字（羅馬字），對於閱讀上可能產生的障礙，也儘量以括弧註記華語的意思來助讀。以上，誠摯向各位讀者兄姊說明。