／楊啟壽牧師

阮真歡喜此二十外年來，常常參加義光教會的主日禮拜，認識多多兄弟 姊妹，及 有好的交陪，嘛對 得到真多的疼痛及幫助，心內充滿感謝。感 謝上帝的引導以及許承道牧師、鄭英兒牧師及諸位兄弟姊妹真溫暖的關顧。阮 佇此間教會參加聚會，有時會抵著對國外轉來台灣的朋友抑是人客，大家有機 會閣相見談話、談心感覺真難得。

講道信息有政治言語 司會者自由表達想法

義光教會是一間真特殊的教會，不但教會創設的歷史背景真特殊，就是信 徒及來參加聚會的人嘛及一般的教會無仝。真多人有強烈的台灣意識，關心台 灣的政治、獨立建國、人權、社會正義等議題，嘛會用行動.追求理想的實現。 可能是因為此個理由，牧師抑是外來的講道者，講道的信息多少會提起及政治 有關的事抑是使用較多政治語言。義光教會因教會的歷史無久，較無教會傳統 的包袱，司會者較有自由直接表達心中所想的事，互聽著的人感覺真特別，嘛 有趣味。

當教會欲進入另外一個世代的時，亦是牧師及信徒重新思考反省將來教 會宣教應該有的方向、目標及策略的機會。

教會是信仰團體 人要與上帝建立四正關係

咱信，教會是為著見證上帝佇耶穌基督的身上所顯明的疼，宣揚伊的拯救為主要使命。人因為悔改成做新創造的人，有新的生命及新的看法， 無閣為自己來活，是為著榮光上帝.活。新的人生觀及世界觀真自然影響 的生活型態及所做的決定。教會主要是信仰團體，呣是政治團體，佇教會中如何定位政治關係呣是容易的事。咱知政治的終極關懷是欲造福人民，保護 的安全、自由、尊嚴等，遮個對信仰來看是好事，值得信徒關心及追求。不過，政治嘛包含權力、資源的爭取，政策或意識型態等容易引起對立、鬥爭的議題，真困難得到共識，無適合成做教會宣教上的課題。教會應該如何關心政治並呣是容易界定的。

耶穌宣教焦點是改變人的心靈：悔改成為上帝子民

聖經中以色列人的政治模式，雖然及現在的民主政治無仝，呣拘他們的信仰及歷史經驗猶原會通做咱真好的啟示。先知對以色列人的指責及教訓中，咱看見人性的軟弱，權力的腐化濫用，人的驕傲、自私及墮落種種的事實；先知嘛指出，人的失敗主要是「神化或絕對化自己」是一種的拜偶像。為政者若真正謙卑敬畏上帝，社會才有公義、公平，人民才有可能過平安福氣的日子。人對彼位疼及公義的上帝的信仰，互伊有一種「高度」抑是「闊度」佇種種的問題上做正確的判斷。

政治是處理人與人層面的事，信仰是首要關心是人與上帝的關係，兩者雖然無仝卻有密切的關係。當耶穌佇世間的時，伊所處的社會及政治背景與咱今日的台灣有相像的所在。耶穌佇伊有限的時間內，將宣教的焦點下佇改變人的心靈，悔改成做上帝國的子民頂；伊有盡所會醫治人，幫助受社會欺視壓迫的人，總是伊知人最根本的需要是建立人與上帝四正的關係，此個關係若出問題，人所做的一定是事倍功半。

認識上帝的疼　決志宣揚及實踐上帝的疼

我相信重新塑造台灣人的心靈嘛是今日教會首要的課題。我真佩服林義雄先生，本身經過許呢大的痛苦及試煉後，今日猶原繼續.努力從事重建心靈的工作，不斷.撒疼的種子。基督徒佇基督十架的疼，認識上帝的疼，嘛決志欲宣揚及實踐此的疼。咱歡喜甘願付出服事人，無怨、無悔，因為基督的疼激勵咱。對基督的疼咱明白公義真正的涵義，佇堅持公平、原則中，咱無失去對別人的尊重與善意。

阮真期待義光教會的信徒，因為聖經的教示，敬畏上帝，受洗佇基督的疼，更加疼台灣，無餒志追求理想，上帝的公義一定會發光，多多人嘛會因為咱得到福氣。