林家受難三十週年紀念禮拜 (1980.02.28 ~ 2010.02.28)
時間：主後2010 年02 月28 禮拜日09：00~10：30
地點：台灣基督長老教會義光教會 台北市信義路三段31 巷16 號

主理: 台南神學院榮譽教授 鄭兒玉牧師
The Reverend John Jyi-giokk Tin
Professor Emeritus, Tainan Theological Seminary

三十年換角度

今仔日是2 月28 日，是林家血案30 週年，亦是二二八起義63 週年。 在咱的人生中無幾次有30 年。過去29 年久的受難禮拜，其重點是用「追悼」 來辨理。若是今年本人要使用「紀念」二字的內涵，欲請大家作伙來默想： 將「『林母游阿妹、亮均及亭均』的受難、及『二二八起義』之流血」作基點， 看有可能轉型做進行曲式的建設性意義á-bô？

「亞結的山谷」

以色列子民在出埃及最後旅程，摩西的後繼者約書亞領軍過約旦河後， 第一個所攻陷是大城耶利哥。然後再攻擊附近一個小鎮，無打算連戰大敗死 傷慘重。約書亞詳細調查，才知影在艱難的建國運動抵才開始，就有人圖謀 發建國財，貪戀敵人的財物。因為按呢耶和華受氣，以色列就慘敗，使建國 運動士氣墜落。民眾就在該地用石頭擲死其主謀亞干和他的全家。此個悲慘 的地點叫做「亞結的山谷」(the Valley of Achor)，就是「災難的山谷」(the Valley of Trouble)。( 約書亞7，BC1225)

世間人無可能在親人、同胞被殺害的地點，就是在「災難的山谷」，無 限期地打桶，就按呢蹲在(un teh) 繼續唱哭調仔。每一個事件發生當初，人 性的軟弱自然會使人lun-neh ( 怕呢)、驚惶又挫折。若是四百年來台灣人， 這種悲傷就按呢形成作其文化主流。過去所有的民謠差不多攏有此款哀歌味， 詩歌「雨夜花」是這種心態的最典型。此幾日前高雄中山大學陳茂雄教授在 《台灣時報》(2010.02.22. p.3)「台灣留有殖民地的陰影」指出：台灣人的此 款柔性格(soft character) 是容易被人軟土深掘的。

「向望的山門」

北以色列王國末期的先知何西阿在預言中，引用此「災難的山谷」講，上帝將「亞結的山谷」變做「向望的山門」(何西阿2：14~15，BC745)。其意是上主憐憫以色列做人的軟弱，用聖愛包容她，並將此個「災難的山谷」，轉型做「向望的山門」賞賜給她。換話來講，耶和華將這使人恐怖亦是悲傷的地點，改變做向望、歡喜、koh成做受祝福的原點 (starting point for blessing)。

台灣人應該著對先知何西阿的預言得著教訓。聖經所teh講的「向望」，當然不是指形而下人類的日常願望，就是如在“101”或是 Sogo等的百貨公司就買會著的物件，或者政客要獲得其經營權的慾望。「向望」是新約聖經信仰三大特色「信望愛」之一，就是有限的人面對無限的上帝之時，願會得通與祂建立四正的人格關係。對按呢才會得通克服悲傷自閉的心態，並來得著向前建設性的活命力。

轉型的原動力

若是按呢，何西阿sóu teh講的轉型原動力將對何位來？當然其主動是由上帝。若是在此的信息，本人要講：聖經全卷暗示「靠祈禱」，上主會憐憫應答。在人類歷史上此款例不勝枚舉，在此只有舉二例就自明：

主前587年，耶路撒冷城被當代超強帝國大王尼布甲尼撒攻破，死無了的猶大民眾哭賴耶和華，吟講：

Góan hōu lâng liahh lâi tī Pa-pí-lûn ê hô-pinn,
阮 被 人 捕 來 在 巴 比 倫 的 河 邊，
Chitt-ē siūnn tiohh kòu-kok Sek-an hit-pêng thinn,
一 下 想 著 故 國 錫 安 彼 邊天，
Bakk-sái cūhiū lâu-kàu pìn-pinn..
目 屎 就 流 到 鬢 邊。
(詩篇137：1)
果然在五十年後，由囚人中出現一個無名先知，後代稱呼他做第二以賽亞出來讖語 (chhàm-gú)：
Siōng-tè kóng chhut-chhùi:
上 帝 講 出 嘴：
Tiohh an-ùi, Tùi góa ê chú-bîn an-ùi,
著 安 慰， 對 我 的 子 民 安 慰，
Tiohh tùi lâ-lōu-sat-léng piáu kèng-ùi,
著 對 耶 路 撒 冷 表 敬 畏，
Koh pò i chai, Chhut-thâu-thinn ê sî í-keng lâi;
又 報 她 知，出 頭 天 的 時 已 經 來；
I sóu siū ê khóu-lān tann kàu-giahh,
她 所 受 的 苦 難 今 足 額，
Chōe-giatt ê chhò-gōu iā tit-tiohh sià.
罪 孽 之 錯 誤 也 得 著 赦。
( 以賽亞40：1~2)。

真正有影照記載，不久上主就興起未信祂的波斯古烈大王打倒巴比倫帝 國，並在538 年激動他佈詔解放猶太囚人返國，( 以斯拉1：1~4；歷代志下 36：22f)。

第二個例是基督徒之祈禱使如鋼鐵的羅馬帝國消鎔。迫害基督徒e 先代 皇帝，其子孫，就是後代e 皇帝腳頭于（kha-thau-u）跪在上帝e 面前敬拜 又懇求赦免。在歷史中此款祈禱的應驗是無數，未信主的人士因為無信仰體 驗，有困難理解這真理奧妙。

十九世紀德國的反骨哲學家尼采(Friedrich Nietsche) 講「耶穌福音是弱 者的倫理」，打輸人就講：來用祈禱的。在台灣可能也有人會恥笑講，恁基 督徒teh 講譀古(ham-kou)。

若是使徒保羅對哥林多人講：「希臘人尋知識，若是阮傳十字架之道理， 沉淪的人看戇，阮得救的人，看做上帝的智慧。上帝的愚戇比人較智慧，上 帝的軟弱比人較勇壯。」( 哥林多前書1：18~25)

結言：義光具有為台灣祈禱轉型潛在力

最後，我要見證一項事，當年改建初期大概一番完成的時，本人由台南 來台北看工程進行的狀況。大概是一位榮民的水泥工，講話腔口聽無啥有。 他看著本人來參觀，調工導我到預定作講台的後面壁，就是現在掛十字架的 所在。這位朋友一面歡喜一面指著壁上的石磚仔講：「看，有一塊如『台灣』 在此！」後來掛十字架在其頂面，彼塊「台灣」亦正抵好在十字架的後面。 經一段時間後我有請義雄兄看，他看了koh-chai ( 又再) 看。

這事若要講是「偶然的」，或是「必然的」，見仁見智。不過本人的看 法既然不像外國地圖款，卻親像台灣，不但不妨害人感受，或許會引起人的 畏敬，就是此地親像客西馬尼按呢成做台灣轉型祈禱起發點。耶穌在客西馬 尼祈禱備辦心了後，叫醒學生講：「起來！咱對此來去」面對現實。( 路加 26： 46)

（修改稿2011.08.17）